عمرو مصطفى يواصل هجومه على محسن جابر بسبب شيرين عبد الوهاب (فيديو)
عمرو مصطفى، رد الملحن والمطرب عمرو مصطفى، على المنتج محسن جابر الذي صرح بأن أغنية "أفتكر لك ايه" قديمة وليست جديدة لمشروع إحياء التراث.
تسريب أغنية لعمرو مصطفى
وقال عمرو مصطفى خلال الجزء الثاني من لقائه ببرنامج "حبر سري" الذي تقدمه الإعلامية أسما إبراهيم بقناة "القاهرة والناس": "أغنية أفتكر لك إيه، طبعًا جديدة وكانت مع أكتر من 4 أو 5 أغاني مع شيرين عبد الوهاب، والمفترض إنه كان مشروع هيتعمل لكني تفاجأت زيي زي غيري إن الأغنية اتسربت بتوزيع غير منتهي وبشكل غير قانوني".
قصة أغنية أفتكر لك إيه لشيرين عبد الوهاب
وتابع: "حفاظًا على الظروف اللي كانت بتمر بيها شيرين عبد الوهاب رفضت أعمل مشكلة وسكت ونفذت الأغنية بتاعتي بالرؤية الموسيقية بتاعتي مع نادر حمدي والموسيقيين الشطار جدًّا، ونزلنا أغنية أفتكر لك إيه، ونزلنا الأغنية وتغاضيت خالص عن موضوع شيرين".
وأضاف: “أنا لو عايز أشيل الأغنية من يوتيوب هشيلها لكنها مش أغنية قديمة واتسربت بدون علمي وما لقتش رواج لأنها ما نزلتش على صفحة رئيسية، لما محسن جابر يقول إنها أغنية قديمة يعني المطرب نزلها وأعلنها والحقيقة أن المطرب ما نزلهاش ولا أعلنها يبقى أغنية قديمة إزاي؟”.
واستطرد: "أولًا الأغنية نزلت بدون اسمي ونزلت في حساب غير رسمي لشيرين واتسربت وما أعرفش مين سربها وعلشان كده قررت إن أي مطرب هعمله أغاني هتكون عندي علشان الممارسات غير اللائقة اللي بتضرني أنا، ما سمعناش صوت شيرين إنها طلعت قالت دي أغنيتي وعملت نفسها مش عارفة أي حاجة احترامًا ليَّ بس تسريبها أذاني وخلى الناس تتكلم عني بشكل غير لائق".
في الجزء الأول من اللقاء، وجه الفنان عمرو مصطفى، سؤالًا قويًّا للمنتج محسن جابر، بعد أزمتهما الأخيرة بسبب تقنية الذكاء الاصطناعي، قائلًا: "أنت اتعاملت مع عمالقة بليغ حمدي وأم كلثوم وأغاني عبد الحليم حافظ وفايزة أحمد وشادية وكل النجوم ومسكت الموسيقى من وهي فيها العمالقة دول وأنت موجود لحد النهارده احنا بنسمع مين؟ من المسؤول؟ عايزك ترد وأنت كبير المنتجين ومسؤول عن الصناعة وأخدت تنازلات المبدعين".
مناشدة عمرو مصطفى للمبدعين
وأضاف: "المبدع لو أنتج أغنية وكسب ملايين هينتج 60 أغنية فجأة المبدعين هيبطلوا وعلشان كدا لازم نوعِّي المبدعين اوعوا تتنازلوا عن أغانيكم".
أرباح محسن جابر من يوتيوب
وتابع: "محسن جابر قال إن عنده 30 ألف أغنية ومنها لحن أغنية العالم الله اللي عاملها لعمرو دياب واللي سرق لحنها حسن شاكوش، وأنت عندك 30 ألف أغنية لو الأغنية بتدخل دولار في اليوم يعني بتدخل 30 ألف دولار كل يوم الصبح رغم إن فيه أغاني بتدخَّل 20 ألف دولار في الأسبوع يعني أنت بتدخل 900 ألف دولار في الشهر يعني 12 مليون دولار في السنة، طيب فين المبدعين من فلوس اليوتيوب بتاعت الأغاني، احنا ما خدناش حاجة وهو خد كل الفلوس، أنا عايز جزء من الأرباح عن كل أغانيَّ لأني ما اتنازلتش عن الديجتال".
مشكلة محسن جابر مع عمرو مصطفى
وأكمل: "لو محسن جابر حابب ينهي أي خلاف كان اتصل بيَّ من الأول ووقتها كنت هروح له مكتبه، أنا بحبه على المستوى الإنساني ولكن كعلاقة بيزنس ببقى واحد تاني لإني بعاند ومش عايز حد ياكل حقي".
حقوق المبدعين مع عمرو مصطفى
وتابع: "مشكلتي مع محسن جابر إنه بيتغافل عن شغلي وتعبي كمبدع وكل المبدعين من مؤلفين وملحنين وموزعين وبيطلع ينسب أي نجاح له بس، أنا عايز كل واحد ياخد حقه وكان الكمانجاتي زمان اسم، أنا أي أغنية بتاعتي مش هتنازل عنها وهديها للمنتج كتصريح التصرف فيها 3 أو 5 سنوات إنما 49 سنة دا إجحاف".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، كأس مصر، دوري القسم الثاني، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية.
