تامر حبيب بعد تعرضه لكسر في اليد: يا ناس يا شر كفاية قر

أعلن السيناريست، تامر حبيب، عن تعرضه لحادث أليم، والذى نتج عنه كسر في اليد، بعدما سقط بشكل مفاجئ في الحمام. 

في هذا السياق، نشر “حبيب"، عبر حسابه الرسمي علي موقع التواصل الاجتماعي  “فيس بوك”، صورة ليده بعد التجبيس، معلقًا عليها بقوله: “مقابل أسبوع كامل من الاحتفالات والاحتفاءات والتهنئة والأمنيات والكلام الحلو اللي من القلب ويشرح القلب ويطمن ويونس علي كل وسائل السوشيال ميديا وعلي التليفون ووجهًا لوجه من صحاب حلوين قوي ما شاء الله ومعارف وقرايب”

وتابع:"حتي ناس معرفهمش معرفة شخصية، مدين لهم كلهم بكل الشكر والامتنان، لو مقابل كل ده من ذوي العيون غير الرحيمة، الله يسامحهم، هُدر جامد في الحمام تنج عنه كسرين محترمين في الابهام والسبابة في ايدي اليمين اللي بأكتب بيها، واللي هاتحتاج تفضل متجبرة ثلاث اسابيع علي الاقل". 

وأختتم: “انا مرضي وشاكر ربنا علي نعمه الكبيرة دي، شكرًا يا احلي صحاب،و يا ناس يا شر كفاية قر”. 

علي الجانب الأخر، كان عبر السيناريست تامر حبيب،  عن رفضه الكتابة للفنان محمد رمضان، قائلًا: “أنا مش هكتب لـ محمد رمضان، ممكن أتفرج على نوعية الأفلام اللى بيعملها بس مش ممكن أكتبها”.

وتابع  حبيب خلال الجزء الثاني ببرنامج "حبر سري" الذي تقدمه الإعلامية أسما إبراهيم بقناة "القاهرة والناس": "مقدرش اكتب نوع الدراما اللى بيعملها محمد رمضان ولكن في فيلم أهل العيب، حصل إن كان فيه دور استقرينا إنه لايق على محمد رمضان بس هو اللى اعتذر، هو ممثل كويس بس أنا محبش أعمل نوعية الدراما اللى بيعملها".

جرأة تامر حبيب
وأضاف تامر حبيب: "شرف لي أن أكون أكثر جرأة من نتفلكس". 

موضوعات جريئة يجهزها تامر حبيب

وتابع:"أنا عندي رقابة داخلية وساعات ببقى عايز اتكلم عن موضوعات جريئة جدا بسب بقول لأ مش هينفع دلوقتي علشان الوضع المجتمعي، وحاجات ليها علاقة بالعقيدة والأبعاد النفسية".

في الجزء الأول من نفس اللقاء، أكد السيناريست تامر حبيب، أنه لا صحة لما تردد وأثير عن محاولته الانتحار العام الماضي.

شائعات عن زواج تامر حبيب من منة شلبي

وأضاف:"جوزوني لمنة شلبي وقالوا إنها سابتني واتخطبت لشخص تاني وبعد كده قالوا إني مريت بحالة نفسية وحاولت الانتحار وفشلت وكل ده غير صحيح وشائعات".

محاولة تامر حبيب الانتحار

وأكد تامر حبيب:"حاولت انتحر مرة واحدة فقط قبل 2017 لإني كنت باخد دواء ريجيم وكان عاملي اكتئاب شديد، وكنت محبط جدا لإني كنت بشتغل محاسب وقتها وبعمل حاجة مبحبهاش لإني عايز اشتغل في السينما وكنت متوتر جدا والدواء كان بيسرع ضربات القلب وبيجيب اكتئاب شديد وفي لحظة فكرت في الانتحار وبعدها غيرت حياتي".  
في نفس اللقاء، كشف السيناريست تامر حبيب، تفاصيل أول لقاء جمعه بالفنانة منة شلبي بعد أزمتها الأخيرة واتهامها بتعاطي المواد المخدرة.

أسود يوم في حياة تامر حبيب 

وقال تامر حبيب خلال لقائه ببرنامج "حبر سري" الذي تقدمه الإعلامية أسما ابراهيم بقناة "القاهرة والناس": "اليوم اللي اتقبض فيه علي منة شلبي بتهمة تعاطي المخدرات كان من أسود أيام حياتي وكنت هموت لأني مكنتش عارف أوصلها".

أول لقاء بين تامر حبيب ومنة شلبي بعد إخلاء سبيلها 

وأضاف: "لما تم إخلاء سبيل منة شلبي روحت لها علي البيت ويومها عرفت قد ايه حبي ليها واخدتها في حضني جدا وكان كل همي إنها تضحك وتتبسط واعملها أراجوز علشان تنسى الأزمة الكبيرة اللى هي مرت بيها".

الحالة النفسية لمنة شلبي بعد أزمتها الأخيرة 

ولفت: "الحالة النفسية لمنة شلبي احسن بكتير دلوقتي وهي نزلت اشتغلت، والضغط مش من الموقف ولكن القسوة الشديدة من البشر وكإأهم كانوا نازلين معاها من الطيارة، فيه ناس مهمتهم أنها طول الوقت تهاجم وتشمت في الفنان أو اي حد مشهور".

ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات ، أخبار الرياضة ، أخبار مصر، أخبار الاقتصاد ، أخبار المحافظات ، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية.