آخرها «المطرب أداة».. صدمات عمرو مصطفى للمطربين على كل شكل ولون

 عمرو مصطفي، برغم أن الفنان عمرو مصطفي يعد من أبرز الأسماء الموجودة على الساحة الفنية في الوقت الحالي من حيث الغناء والتلحين، حيث  أنه قدم عددا كبيرا من الألحان الناجحة التي تعاون فيها مع عدد كبير من نجوم مصر والوطن العربي  على مدار مشواره الفني منهم محمد حماقي والهضبة عمرو دياب وأنغام وحسين الجسمي وشيرين عبد الوهاب وغيرهم الكثير، الإ أنه من المعروف عنه في الساحة الفنية ان له الكثير من المشاكل مع الفنانين، ومن أشهرهم خلافه مع عمرو دياب، والذي أكد بعدها عمرو مصطفي أنه لن يتعاون مع الهضبة مرة أخري. 

عمرو مصطفي وإثارة الجدل  

الفنان عمرو مصطفي يعد واحدا من أبرز المثيرين للجدل في الساحة الفنية، ويتعرض من حين لاخر  للهجوم والانتقادات بسبب تصريحاته المثيرة عن الوسط الفني، وأخرهم هجوم شديد علي "مصطفي" بسبب تصريحه الذي قال فيه "المطرب مجرد أداة" من خلال أحد البرامج.

شذي تهاجم عمرو مصطفى 

وهاجمت الفنانة شذي عمرو مصطفي علي تصريحه "المطرب مجرد أداة" وقالت من خلال موقع التواصل الاجتماعي "فيس بوك": طبعا الكل عارف قد ايه انا وعمرو اصحاب واخوات بس المره دي عمرو خانوا التعبير زي لما بيخونوا تعبيراته كتير.

وتابعت:" المطرب عمره مكان مجرد أداة ومينفعش يتقال كلام زي ده من فنان بحجم وقيمه عمرو مصطفى لان المطرب قادر بأدائه وأسلوبه يوصلك الفكرة والإحساس للناس كملحن او يهبدهالك في الأرض بدليل في اغاني عبقرية لما غناها ناس اي كلام اتهبدت بيهم".

واختتمت:"بلاش  الكلام ده في التوقيت ده  لأن المطرب عمره ما كان مجرد أداه وكفايا نقلل من قيمه بعض كل واحد ليه دور ودور مهم دي منظومه كامله  الاغنيه ( مؤلف وملحن وموزع ومهندس صوت ومطرب ) كل واحد ليه حجمه وقيمته.
خلاف عمرو دياب وعمرو مصطفي

خلاف عمرو  مصطفي وعمرو دياب من أشهر الخلافات اي في الساحة الفنية، وبدات الخلافات بين الثنائي منذ سنوات برغم نجاحهما مع بعضهما البعض في اكثر من 36 أغنية مختلفة.

وفي عام 2017  تحدث عمرو مصطفي عن أزمته مع الهضبة عمرو دياب في لقاء سابق له قائلا:" عمرو دياب  اكتر واحد استفاد مني مش أنا  اللي هدور علي عمرو  لان الفنان مننا هيبة"، مضيفا:" انا مش معايا رقم عمرو دياب والمفروض هو اللي يدور عليها مش أنا اللي ادور عليه ".

وبعدها بأيام  من هذا اللقاء نشر عمرو مصطفي منشور طويل علي موقع التواصل الاجتماعي "فيس بوك"، وقال "مصطفي":"ورحمة أبويا أنا مش عاوز اشتغل مع عمرو دياب تاني ولا فارق معايا  ولا بحب أجيب سيرته في البرامج  خلصنا بقي مرحلة وعدت".

و أضاف "عمرو مصطفي":"  في أيه عملتله تاريخ وخلصنا ولو بتحبوه قولوا ميغنيش أغانيا تاني ".

وفي  العام الماضي ظهر  عمرو مصطفي في برنامج حبر سري   مع الإعلامية أسما ابراهيم، وأكد  أنه مسح تاريخه مع الهضبة، وقال:" اللي قدمني للناس وكان سبب شهرتي عادل عمر وعامر منيب وبس وقبلهم ربنا ومجهودي اللي اتدمر لوقوفي جنب مطربين كتير".

وتابع: "أنا بحب عمرو مصطفى وبس، وكل المطربين عندي زي بعض، ومفيش حد مهم والمزيكا بتاعتي هي اللي مهمة بس، وعمرو دياب مقدرش العشرة وما جاش عزاني في أمي، واسمه أصلًا بيضايقني، وما حدش غالي عليَّ والغالي عليَّ كانت أمي واتوفت".
 

وأكمل: "مفيش عزيز ولا غالي عندي من المطربين، اللي غالي ولادي ومراتي، وعمرو مصطفى يعمل حاجات الجمهور بيحبها ويستمتع بيها".

وكشف الفنان عمرو مصطفى في الجزء الأول من نفس اللقاء:"مش صحيح إني عامل بلوك لملحن علشان قريب من عمرو دياب، والحقيقة أنا عامل بلوك للمطرب نفسه".
وتابع: "أنا مش واخد بالي من اسم عمرو دياب، وبحب أتكلم عن نفسي بس".

تامر عاشور يفتح النار علي عمرو مصطفي

وهاجم الفنان تامر عاشور عمرو مصطفي في العام الماضي وذلك بعد تصريحات الأخير في برنامج “حبر سري”.

وقال تامر عاشور في منشور طويل علي   موقع فيس بوك:" النجاح يعني اعمال مش كتر كلام واقول هعمل واسوي وعايش اتريق على ده وده بقالي سنين - التاريخ جميل مفيش شك بس بيعتمد على الوقت  يعني نقيم اللي شغالين دلوقتي لما يقعدوا نفس الزمن اللي انت قعدته ونشوف - لكن تقييم دلوقتي اسمه جهل ب التاريخ -   أ-ب ملحن يعني لازم مطرب يغني اللحن ده والا مكنتش هتبقى ملحن  المطرب الاول ينجح بعد كده الملحن ينجح طبعا مفيش كلام والملحن ف حتته  والمطرب في حتته كل نجاح مختلف عن التاني". 

و أضاف تامر عاشور:" ونادر عبد الله اعماله كلها ناجحه وشاعر كبير قوي قوي قوي   كلامه تقيل كلامه خفيف نبقى نوزن ونشوف لكن نبذه عن اعمال نادر التقيله " اواخر الشتا اليسا - تسلم - كلموها عني -  اخر مقابله -تصدق بمين اليسا - بطمنك شيرين - اخيرا اتجرأت شيرين - ريحه الحبايب عمرو دياب - خلينا نشوفك عمرو دياب  -واضرب ف ٢٠٠ على نفس المستوى بس البوست مش هيكفي تاريخه - بس هو مش بتاع بروبجاندا بس - ومحمد رحيم مش محتاج حد يفرحه اكيد ده بابا يا عموره دراسه ومزيكا وحاجه تشرف يعني وتعطل قدامه جدا بمعمل الكيميا اللي بتتكلم عنه ده   والهامي دهيمه موزع اغنيه "قولوله سماح" فنان كبير هو وادهم

و أكد تامر عاشور  أنه عمرو دياب هو سبب  اساسي من أسباب  ظهور عمرو مصطفي من خلال تلحينه لأغنية خليك فاكرني قائلا:" واخوه ومش هاجيب سيره عمرو دياب  كتير بس هو الڤاترينه اللي قدمتك للناس ب "خليك فاكرني "    سنه ٩٩ يعني كان عندك ١٣ سنه حسب كلامك مع الاعلاميه اسما  و أضاف "عاشور":" ابراهيم - مش عامر منيب  اللي قدمك عامر فعلا ليه فضل على كل الناس وانا منهم  بس مش هو اللي قدمك متزييفش التاريخ اللي عمال تتمسك فيه - ونعمل سيرش على كل اسم من دول نلاقي اعمال تخض وتاريخ يزعلك شخصيا مش برامج وتخبيط وهخليهم يعتزلوا   ومحدش بينجح والكلام العجيب ده وف الاخر تقولي مصر !! ما تطلع تتكلم كويس على فنانين مصر طيب  - وقصه نبضات القلب بتاعت الاغاني دي بلح  - وهنغير الذوق العام هتغير  الذوق العام - ب ايه هتغير الذوق العام  وماله اصلا الذوق العام - هو علشان بقى في حاجات بتنجح مش انت اللي عاملها بقى الذوق وحش !! بالتخبيط ف ناس تاريخ ووجه مصر حقيقي هتغير الذوق العام !! روح ادي اغنيه العالم الله دي لأي حد غير عمرو دياب مكانتش هتوصل للعالميه اللي انت فرحان بيها هي اغنيه تملي معاك محققتش عالميه ؟ اكتر اغنيه لعمرو دياب وصلت للعالميه هي تملي معاك الحان "شريف تاج" مش الحانك كلمات احمد علي موسى -

و أختتم تامر عاشور حديثه قائلا:" السر ف عمرو دياب صدقني والدليل ان كل اغانيك مع اي حد غير عمرو زيها زي باقي الاغاني ولا راحت عالميه ولا حاجه   ود مينقصش من فنك ولا موهبتك ومش عيب احنا ثقافه وجمهور كبير والعالم كله بيجي دلوقتي يعمل  ف عالمنا اغاني وحفلات "متستقلش  " وكلامي على عمرو مصطفى

تامر عاشور يوضح سبب خلافه مع عمرو دياب 
 

و أوضح الفنان تامر عاشور منذ اسابيع اسباب هجومه علي عمرو مصطفي وذلك من خلال لقائه في برنامج حبر سري.

وقال "عاشور":" هاجمت عمرو مصطفى لإنه شايف كل اللي فاتوا مش ناجحين وكل اللي عملوا أغاني قبل كدا مش ناجحين وكل اللي هيعملوا أغاني بعد كدا مش ناجحين وعلشان كدا رديت عليه لأ فيه ناس ناجحين".

و أضاف:" ما ينفعش عمرو مصطفى يطلع يقول على كل اللي في بلده مش ناجحين مش علشان ليك مشكلة مع شخص تقول كل اللي في بلدك مش ناجحين، ينتقدني زي ما هو عايز ويقول حفلاته وأغانيه مش ناجحة وما بيغنيش غير دراما بس عادي إنما يقول ما حدش بيدوق النجاح غير من على جيتار عمرو مصطفى دي بدعة، أنا ما ينفعش أنصَّب نفسي إله للفن".

و أكمل ؛" "أنا بحب عمرو مصطفى وبحب فنه وتأثرت بفنه ولكن هو كمان لازم يبقى عارف إن فيه ناس بتسمعه وناس بتحبه وبتسمع كلامه ما ينفعش كل لما يتكلم يخلي منظرنا وحش، أنا لو جات لي فرصة معاه حالًا هشتغل لإنه فنان كبير وتاريخه كبير، هو بقاله 8 سنين بيقول إنه مش هيلحن لحد بس أنا شايفه أطيب من كده هو ليه موقف مع شخص واحد ما ينفعش يبقى ناقم مع كل المطربين الرجال، موقفه من عمرو دياب يخصه مليش علاقة به"..

خلاف  عمرو مصطفي وتامر حسني 

في عام 2021 هاجم عمرو مصطفي تامر حسني بسبب أغنية"كل مرة “ وذلك من خلال لقاء سابق له قائلا:”تامر حسني غني أغنية بعنوان "كل مرة بشوفك فيها" هل هذة الأغنية تصنع تاريخ تامر حسني، بالطبع لا، لذلك من وجهة نظري الشحصية أن تامر حسني مازال في أول الطريق لصنع تاريخه.

ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.