منة شلبي تتحدث عن والدتها زيزي مصطفى: ست استثنائية ضحت بشغلها لتربيتي (فيديو)
الفنانة منة شلبي، قالت الفنانة منة شلبي:"أمي زيزي مصطفى بالنسبة لي كل حاجة، ومش أم تقليدية وست عظيمة".
شخصية منة شلبي
وأضافت خلال لقائها ببرنامج "سهرانين" الذي يقدمه الفنان أمير كرارة بقناة "أون إي":"ماما لو بتكلم أو عندي صفة كويسة في شخصيتي أو بتحمل مسئولية أو جدعة فأنا كبرت ولقيتها في أمي وهي صفات ورثتها منها".
دعم ورعاية زيزي مصطفى لإبنتها منة شلبي
وتابعت:"بعد لما بقيت فنانة بقيت اشوف اللي عملته زيزي مصطفى كبير وكتير جدا انها في سن صغيرة قررت تسيب شغلها تماما وتتفرغلي انها تكوني كشخص وطالبة وبنت وفنانة، أمي ربنا يحميها وفعلا هي ست استثنائية".
قصة خلاف منة شلبي مع هند صبري
في نفس اللقاء، قالت الفنانة منة شلبي:"انا وهند صبري كنا متخانقين ومكنش لينا في بعض أوي، طلعنا احنا الاتنين مع بعض كانت هي بتعمل فيلم مواطن ومخبر وحرامي ومذكرات مراهقة، وانا كنت بعمل الساحل وبحب السيما، وادوارنا كانت جريئة في الفترة دي".
وتابعت:"في الفترة اللى انطلقنا فيها انا وهند صبري كان يجي حد يخلينا نسخن علي بعض ويقولي دي متبحبكيش وانا اقول دي مبتحبنيش ازاي يعني ويقولها نفس القصة، وبعدين اشتغلنا مع بعض فيلم أحلى الأوقات، وكل واحدة فينا كانت كتفها كان عالي علي التانية، بس محترمين، وكان وسطنا حكم اعظم في وسطنا ست البنات حنان ترك".
وتابعت:"برغم اني انا وهند صبري مش قريبين من بعض بس كان فيه ود شديد صنعته حنان ترك لإنها كانت قريبة مننا احنا الاتنين، وخلص فيلم احلى الأوقات لا حرب ولا سلم ومفيش حاجة، وبعدين جالنا فيلم بنات وسط البلد، فالمخرج محمد خان كلمني فوافقت وقلت له مفيش مشكلة وروحنا نعمل بروفة قراءة عنده في البيت بالمعادي واحنا بنفتح النسخة بصيت لهند صبري وقلت لها فيه كلام عايزة اقولهولك وهي كمان قالت لي وانا كمان وعرفنا ان فيه شوية ناس استغلت شوية تفاهة وصنعوا المشكلة ما بيننا ولكن فيه احترام لرحلتنا وشقانا وتعبنا وجرأة في الأعمال عن حب شديد للشغلانة، وتفاهمنا وانتهى سوء التفاهم اللي بينا واتصافينا".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
