ميرهان حسين: ماما عايزة تجوزني لـ أحمد عز وسأعتزل التمثيل لو لقيت حبيب
ميرهان حسين، قالت الفنانة ميرهان حسين: "فيه ناس كانت عايزة تتجوزني بس مكملش تمثيل، ومش بحب أن حد يجي يقولي اتجوزك ومتكملش ولا اتجوزك واشغلك، ومندمتش على أي حد اتقدملي للجواز وكل شخص رفضته مكنش مناسب ليا".
مواصفات فتى أحلام ميريهان حسين
وأضافت خلال لقائها ببرنامج "كلام الناس" الذي تقدمه الإعلامية ياسمين عز بقناة "إم بي سي مصر": "أهم حاجة في الشخص اللى ممكن اتجوزه أنه يكون رجل في تصرفاته ومواقفه ويكون شخص محترم بيحترم نفسه علشان يحترمني ويحترم علاقاته مع الناس، ويكون سند وضهر وأمان واهم حاجة عندي الأمان، ولو فيه علاقة مبتحققش الأمان ملهاش لازمة ومش عايزاها".
شرط اعتزال ميريهان حسين التمثيل
وتابعت: "لو لقيت ان الراجل اللى اتجوزته محترم ومحققلي الحاجات اللى أنا عايزاها وبيحبني وبيخاف ربنا ودمه خفيف ممكن مكملش في الفن بس أحب أن ده يكون قراري، أنا لو لقيت إن فيه حاجة بتيجي على حاجة وعلى البيت بالتحديد ممكن أعتزل التمثيل علشان أهتم ببيتي".
رغبة والدة ميرهان حسين في الزواج وموقف والدها
ولفتت: "ماما نفسها اتجوز حد شبه الفنان أحمد عز وهي بتحبه وهو نجم كبير وهو كمواصفات شكلية بني آدم جميل، وماما طول الوقت عايزاني أتجوز وده هدفها في الحياة، بابا عايزاني قاعدة جنبه ويكاد يكون ميفضلش اني اتجوز وأنا مرتبطة بوالدي أكتر وشخصيتي أقرب شوية من بابا، وهو كمان بيريحين مش حاطط عليا ضغوط بتاعت فكرة العنوسة وإني لازم أتجوز كونها تصينفات اجتماعية خاطئة والجواز عندي مرتبط بالشخص المحترم اللى اقدر ائَمن له علي نفسي".
موقف ميريهان حسين أن تكون زوجة ثانية
وأكدت ميرهان حسين: "عمري ما هكون زوجة تانية لشخص فيه كل المواصفات اللي أنا عايزاها، أنا زي الفريك محبش شريك".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار، أسعار اليورو، أسعار العملات، أخبار الرياضة ، أخبار مصر، أخبار الاقتصاد، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
