بوسي: بابا مات راضي عني وعملت عملية تجميل علشان شكلي يحلو (فيديو)

بوسي، قالت المطربة الشعبية بوسي: "أبويا مات راضي عني وكلمته قبل لما يموت في التليفون وقلت له أنا هجي لك بعد لما أخلص الشغل".
 

اَخر مكالمة بين بوسي ووالدها قبل وفاته

وتابعت خلال لقائها ببرنامج "حبر سري" الذي تقدمه الإعلامية أسما إبراهيم بقناة "القاهرة والناس": "قلت لبابا قبل ما يموت هجيب هشام جوزي ونيجي نزورك قال لي يا حبيبتي مستنيكي".

سر عدم حضور والد بوسي حفل زفافها

وأضافت: "بابا ما جاش فرحي علشان كانت لسه المشكلة حية ما بينا وما خلصتش ولكن تجاوزناها ومات راضي عني".

عملية تجميل بوسي

وأكدت بوسي: "عملت عملية تجميل واحدة في مناخيري علشان حسيت إني بقيت جميلة بس دي واقفة ليَّ عقبة في كمال جمالي وعلشان شكلي يحلو مع إني كنت ضد عمليات التجميل في الأول".

في نفس اللقاء، قالت المطربة بوسي: "اتجوزت وأنا عمري 19 سنة وكنت لسه صغيرة وكان قافل عليَّ لدرجة إنه كان مانعني أشوف أهلي وأصحابي والمقربين علشان يكوش عليَّ وما حدش يلعب بدماغي ويكسب من ورايا أكتر".
 

سبوبة بوسي 

وتابعت خلال لقائها ببرنامج "حبر سري" الذي تقدمه الإعلامية أسما إبراهيم بقناة "القاهرة والناس": "جوزي الأول كان خايف حد ياخدني منه وبالتحديد علشان ما حدش ياخد السبوبة، وهو كان معتبرني سبوبة".

معاناة بوسي بعد انفصالها عن زوجها الأول

وأضافت بوسي: "بعد لما انفصلت واتطلقت بقيت عايزة أعمل أصحاب وأعيش حياتي في نطاق الاحترام وإني ست مطلقة عندي ولد وبخاف على سمعتي بس برضو للأسف حتى الصحاب اللي لطشت فيهم في يوم من الأيام ما كانوش الصحاب اللي آمن نفسي معاهم وما كانوش أهل ثقة".

ونقدم لكم من خلال موقع "فيتو"، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية.