ليلى علوي تبكي علي الهواء، وتكشف مواصفات فتاة أحلام ابنها خالد

ليلى علوي، فاجأ خالد نجل الفنانة ليلى علوي، والدته على الهواء، قائلا: "عايز أقول لها مبروك على فيلمها الجديد شوجر دادي، ويارب كل فيلم يبقى أحلى من اللى قبله، وأتمنى لها كل خير وأوقات بروح لها الشغل، وأنا مقدر ظروفها".

صفات ليلى علوي من وجهة نظر ابنها خالد

وتابع خلال حديثه ببرنامج “كلمة أخيرة” الذي تقدمه الإعلامية لميس الحديدي بقناة “أون إي”: "أحلى حاجة في ليلى علوي طيبتها وقلبها الأبيض، وأصعب حاجة إني أزعلها مني، منقدرش نكلم ماما اللى لما تكون نايمة 8 ساعات، وشاربة كوباية القهوة وصاحية وفايقة".

رأي ليلى علوي في ابنها خالد، ومواصفات الفتاة التي تتمنى أن يتزوجها

وعقبت ليلى علوي على حديث نجلها: "هو بيقدر ظروف شغلي، وفي الحقيقة أن تربية الولاد اصعب من البنات لإن هما لما بيكبروا بيبقى عندهم إحساس إنه مش عايز حد يعطيله ملحوظات ورجالتنا لازم نحافظ عليهم ونفهمهم الدنيا صح لإن هما بيفتحوا بيوت، انا هبقى حماة صعبة على ابني لو جاب لي حد كويس لازم هبقى صعبة عليه هو، عايزه بنت تكون سوية وبنت ناس ومتربية 
خالد كل حياتي وفي وسط كل الشغل بفكر فيه اكتر، واكتر حاجة عايزاها انه يبقى مطمئن ومرتاح ولسه ملقاش طريقه، خالد ذكي جدا وطيب وهو طبيعي يطلع طيب لإن العيلة كلها كده بس احنا في زمن صعب وعلشان كدة خايفة عليه وبقلق عليه من الناس، ولكن انا مؤمنة ان أي حد بيعمل حاجة كويسة ربنا بيعوضه خير".

ليلى علوي: زهقت من التمثيل بسبب الدراما وأوقات بعيط في التصوير

ليلى علوي: المجتمع بقى مجهد والناس ماشية في الشارع متنحة والهم مسيطر عليها

بكاء ليلى علوي

وبكت الفنانة ليلى علوي على الهواء، تأثرا بتذكر وفاة الدتها، قائلة: "لما كانت بتقلق عليا، وكل شوية تتصل بيا وتقول لي انتي فين وخاصة وأنا رايحة الساحل الشمالي، كنت بتضايق وأقول لها هو كل شوية انتي فين ورايحة فين؟!، وبعدين لما رحلت كنت بروح للساحل وأقول انتي فين مبتطمنيش عليا، وعلشان كدة بقول للأبناء قلقنا عليكم من حبنا ليكم وخوفنا عليكم".

ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو،أسعار العملات، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطال، الدوري المصري، دوري أبطال أوروبا،دوري أبطال أفريقيا ، دوري أبطال آسيا ، والأحداث الهامة والسياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.