تامر عاشور يهاجم سارة الطباخ: منتجة الفنكوش ورحمة ربنا عليها إني ما كملتش في القضية (فيديو)

تامر عاشور، قال المطرب تامر عاشور: "لا أرحب بالعمل مع سارة الطباخ وما قلتش أهلًا بالشغل معاها، كنا مضينا عقد على أساس خطة معينة هنمشي بيها لما جات لها فكرة تعمل ألبوم معايا وقعدنا وظبطنا الدنيا وجبنا محامي وطلعت الفكرة بتاعتي بالنسبة لها واهية يعني".

أفكار سارة الطباخ

وأضاف خلال الجزء الثاني من لقائه ببرنامج "حبر سري" الذي تقدمه الإعلامية أسما إبراهيم بقناة "القاهرة والناس": "سارة الطباخ ليها أفكار واهية كتير في كل الحاجات".

منتجة الفنكوش

وتابع: "سارة الطباخ منتجة الفنكوش وفوق أي فنكوش ممكن أي حد يتخيله، وما يهمنيش تزعل مني، إيه سارة تزعل مني يعني؟ مش هتخرجني من القناة يعني؟ كان غيرها أشطر وأكبر منها بكتير أوي أشطر مش علشان أنا بورم لأ خالص ولكن أنا بحب شغلي".
 

عقد تامر عاشور مع سارة الطباخ

واستطرد: "أنا اشتغلت مع سارة الطباخ ومضيت معاها عقد ومفيش حاجة من العقد اتنفذت فأنا بدأت أشوف شغلي وأول ما بدأت اشوف شغلي هي بدأت تقاضيني بإنها ماضية معايا وأنتجت لي واتدخلت النقابة وكلامي واضح هي ما التزمتش بالعقد ومن رحمة ربنا عليها إني ما كملتش في القضية".

تامر عاشور يعلق على طلاقه: أنا مش فاشل ولا ما بعرفش أحب وحياتي ما فيهاش أي شوائب (فيديو)

تامر عاشور: قريبا هعمل دويتو مع الهضبة وهاجمت عمرو مصطفى لأنه مش شايف حد ونصب نفسه إله للفن

في الجزء الأول من نفس اللقاء، قال المطرب تامر عاشور: "اشتغلت مع عمرو دياب أغنية واحدة بس وما اتكررش التعاون تاني، رغم إننا اتقابلنا تاني وقال لي عايزين نشتغل تاني قلت ده نفسي وإن شاء الله نجهز حاجة والشغل معاه شرف ونفسي اشتغل معاه".

وتابع: "قريب هيكون فيه دويتو مع الهضبة وحاليًّا شغال على أغنية بس لسه ما سمعهاش بس أنا متأكد إنها هتعجبه".
 

أزمة عمرو مصطفى مع المطربين

وأضاف: "هاجمت عمرو مصطفى لإنه شايف كل اللي فاتوا مش ناجحين وكل اللي عملوا أغاني قبل كدا مش ناجحين وكل اللي هيعملوا أغاني بعد كدا مش ناجحين وعلشان كدا رديت عليه لأ فيه ناس ناجحين".
 

بدعة عمرو مصطفى

واستطرد: "ما ينفعش عمرو مصطفى يطلع يقول على كل اللي في بلده مش ناجحين مش علشان ليك مشكلة مع شخص تقول كل اللي في بلدك مش ناجحين، ينتقدني زي ما هو عايز ويقول حفلاته وأغانيه مش ناجحة وما بيغنيش غير دراما بس عادي إنما يقول ما حدش بيدوق النجاح غير من على جيتار عمرو مصطفى دي بدعة، أنا ما ينفعش أنصَّب نفسي إله للفن".

موقف تامر عاشور من التعاون مع عمرو مصطفى

وأكمل: "أنا بحب عمرو مصطفى وبحب فنه وتأثرت بفنه ولكن هو كمان لازم يبقى عارف إن فيه ناس بتسمعه وناس بتحبه وبتسمع كلامه ما ينفعش كل لما يتكلم يخلي منظرنا وحش، أنا لو جات لي فرصة معاه حالًا هشتغل لإنه فنان كبير وتاريخه كبير، هو بقاله 8 سنين بيقول إنه مش هيلحن لحد بس أنا شايفه أطيب من كده هو ليه موقف مع شخص واحد ما ينفعش يبقى ناقم مع كل المطربين الرجال، موقفه من عمرو دياب يخصه مليش علاقة به".

ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، كأس مصر، دوري القسم الثاني، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية.