جوري بكر لـ فيتو بعد تداول خبر طلاقها: حسبي الله ونعم الوكيل في كل واحد يفكر يؤذيني

زوج جوري بكر، كشفت الفنانة جوري بكر، تفاصيل جديدة عن اختراق حسابها على إنستجرام، ونشر خبر طلاقها من زوجها.

جوري بكر وزوجها

وقالت “جوري” في تصريح خاص لفيتو: "الأكونت اتهكر فجأة، وفيه ناس بلغوني إن في بوست نازل عندي على إنستجرام ، لكن ما عرفتش أخش على الإنستجرام".

وأضافت: “لاقيت ستات كتير داخلين يعملوا لجوزي follow ودخلت أسألهم تعرفوه منين وقالوا لي هو أنتِ مش منزلة إستوري قلتِ إنك اتطلقتِ، أنا ما اتطلقتش، وحسبي الله ونعم الوكيل في كل واحد بيفكر يؤذيني بالطريقة دي لأني ما أتمناش حاجة زي كدا تحصل لي”.

إنستجرام جوري بكر 

وجاء في إستوري إنستجرام الفنانة جوري بكر: "وجعل بينكم مودة ورحمة، تم الانفصال بيني وبين الراجل المحترم زوجي وبتمنى له كل خير.. أرجوكم مش عايزة حد يتواصل معايا فى أي تفاصيل لأني مش هرد على أي مكالمات.. شكرًا".

وكانت كشفت الفنانة جوري بكر في وقت سابق عن سبب غلقها التعليقات على عدد من متابعيها عبر حسابها الشخصي على موقع الصور الشهير "إنستجرام" .

وكتبت جوري بكر قائلة: "أولًا عشان الأسئلة الكثيرة اللي بتجي لي بخصوص أنا ليه قافلة الكومنتات على عدد معين، لأن بجد الموضوع مخيف مش كل الناس اللي حوالينا محترمين".

وأضافت: "مش كل الناس نضيفة وتعليقاتهم محترمة في مجموعة كده مريضة وتعليقاتهم أنا ما أقدرش أستحملها أو أشوفها واحترامًا لمن حولي بجد قفلتها على المقربين مني والناس المحترمة اللي متابعاني.

وتابعت: "غير إني برضو بخاف جدًّا أفتح DM ساعات بيلفت نظري الناس الجميلة المحترمة اللي بتحب تهديني حاجات شغلهم مش تمام".

واختتمت: "الشحاتة بقى اللي وصلت على الإنستجرام هل دا بجد.. اللي عايز مساعدة 3000 جنيه وهو مصور نفسه ماسك تليفون بـ 25 ألف جنيه أو أكتر واللي عايزة تجهز نفسها ونفسها في ثلاجة وأنا أصلًا ما اشتريتهاش بجد إزاي كده إيه كمية الاستفزاز والجرأة اللي عندكم دي انزل وانزلي اشتغلي اتعبوا وانجحوا وساعدوا نفسكم في غيرك نحت في الصخر، عشان يوصل وما حدش ساعدهم ولا ساعدني".

ونقدم لكم من خلال موقع "فيتو"، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار ، أسعار اليورو، أسعار العملات، أخبار الرياضة، أخبار مصر، أخبار اقتصاد ، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي ، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة و السياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية.