السيسي: العاصمة الإدارية حولت التراب لفلوس ومدفعناش جنيه من موازنة الدولة
قال الرئيس عبد الفتاح السيسي: "ما تحقق بالنسبة لظروف مصر وامكانياتها كتير من الدول بتقول انتوا عملتوه إزاي؟ أنت ظروفك متستحملش اللى أنت عملته بس الموضوع كله كان أفكار".
ميكنة الجهاز الإداري للدولة بالعاصمة الإدارية
وأشار خلال حديثه بفعاليات المؤتمر الوطني للشباب: "العاصمة الادارية فكرة والجهاز الإداري معمول في العاصمة بميكنة كاملة وبندخل عليه نسبة ذكاء اصطناعي حسب قدرتنا في الاستيعاب والأعداد علشان الدولة في أدائها علي مستوي الوزارات والإدارات يبقى كويس، واحنا مدفعناش جنيه من الموازنة للعاصمة ولا العلمين والله العظيم والله العظيم والله العظيم مأخدناش جنيه من الدولة هو الدكتور معيط معاه حاجة علشان يدينا نعمل العاصمة".
استثمار العاصمة الادارية
وأضاف السيسي مخاطبا المصريين: "انتوا مش عايزين تصدقوا ليه إن فكرة العاصمة معمولة علشان نحول التراب لفلوس أنا معنديش غير الفكرة لحل المسائل في ظروف اقتصادية صعبة في دولة فيها 105 مليون مواطن، محدش قال تعالى حل لي اني كنت في 2011 كنا 80 مليون ودلوقتي 105 مليون طيب انت زادت مواردك انك تلبي لهم كل مطالبهم لأ طبعا اللى نقدر نعمله هنعمل وكل شاب وشابة في مصر مصر عندهم فكرة احنا بنرحب به".
ورد الرئيس عبد الفتاح السيسي، على عتاب أحد الشباب المشاركين في فعاليات المؤتمر الوطني للشباب ببرج العرب في محافظة الإسكندرية
وقال الشاب الذي عرف نفسه بالدكتور شادي: "جيلي بيعتب على حضرتك إننا تحملنا نتايج اللي قبلنا، التحديات في التكامل ما بين استخدام قدراتنا المحدودة جدا لحل مشكلاتنا والنظرة للمستقبل ضاغط المصريين، التحدي كبير والتكلفة اللى المصريين دفعوها الفترة اللى فاتت عالية جدا جيلي عاتب علي حضرتك لإنك حملته إصلاح نتايج الناس اللى قبل كده".
رد السيسي علي عتاب أحد الشباب
وقال الرئيس السيسي: "أنت بتعتب على إنك شيلت شيلة لصالح اللي جاي؟" ليرد الدكتور شادي:"لا خالص ولكن أنا بنقل عتاب جيلي، جيل 1973 شال وجيل 1952 شال علشان يتفادى اللى قبله ويكمل للي جاي ولكن إحنا معاك"، ليعقب الرئيس:"انت هتشيل لسه، هتشيل تاني".
وقال الرئيس عبد الفتاح السيسي إن بناء الدولة يتم بتخطيط يقوم به علماء ودكاترة، وأضاف: “بيقولوا إن البلد بتحب الطرق.. لا الدولة فيها تخطيط بيقوم بيه علماء ودكاترة.. جامعة بتحط تصور لو قدرت الدولة تعمله خير.. مقدرش بيبقى على الورق”.
المؤتمر الوطني للشباب
وأضاف “السيسي” خلال كلمته بالمؤتمر الوطني للشباب بالإسكندرية: “بناء الدول وإصلاحها أمر ليس باليسير.. وأنا كإنسان منكم أمين معاكم وأمين عليكم.. واللي هيحاسبني ربنا.. حساب البشر سهل لكن حساب رب البشر محدش يقدر عليه.. وربنا شايف كل حاجة ومطلع على كل حاجة.. وحجم المطلوب من مصر كبير”.
الرئيس عبد الفتاح السيسي
وافتتح الرئيس عبد الفتاح السيسي منذ قليل، عدد من المشروعات القومية بمدينة الإسكندرية عبر الفيديو كونفرانس، وذلك أثناء حضوره فعاليات المؤتمر الوطني للشباب بمدينة الإسكندرية.
وشهد الرئيس اليوم الأربعاء افتتاح عدد من المشروعات القومية من مقر جامعة برج العرب التكنولوجية، وتفقد عدد من المشروعات القومية بمحافظة البحيرة.
نقدم لكم من خلال موقع (فيتو) ، تغطية ورصدا مستمرا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
