السيسي: عمري ما قلت معايا صفايح العسل ولا برطمانات الزبدة..قمت 5 الصبح وانتوا مقومتوش
قال الرئيس عبد الفتاح السيسي:"أي طالب في كلية الاقتصاد والعلوم السياسية يتكلم عن السياسة المالية والنقدية ويحطلك خريطة طريق للحل وده كلام مش غلط بس وانت بتعمله وبتنفذه محتاج تنفذه بأفكار".
تكفلة إنشاء وتشغيل المستشفيات وهجرة الأطباء
وأضاف ردا على تساؤلات واستفسارات المؤتمر الوطني للشباب ببرج العرب بالإسكندرية:"في قطاع وزارة الصحة أنا كقدرات دولة من منظور الإمكانيات المتاحة مقدرش أوفر الأرقام اللى تتطلبها وزارة الصحة طبقا للمعايير الطبية للعدد السكاني المطلوب، أنا عندي 700 مستشفى يساوي نصف المطلوب وفقا لـ105 مليون مصري، يبقى عايزين ضعف عدد المستشفيات وضعف أعداد الأطباء، يبقى احنا بنتكلم في تكلفة إنشاء وتكلفة تشغيل، يقولي الأطقم الطبية بتاعتك مش كويسة قولي بتاعتنا هو اللى شغال في المستشفى أخويا وأخوك واللى شغال في المدرسة أخويا وأخوك احنا كلنا مسئولين عنه، طيب الرقم المطلوب مش موجود وهياخد فترة بجهدنا وشغلنا وصبرنا كلنا علي ما تتوفر الأرقام المطلوبة، انتوا بتقولوا ان فيه اطباء مشيوا من مصر طيب مشيوا ليه؟ ده حوار علي الهواء مشيت لإني أنا مش بديه مرتب كويس فراح يدور علي فرصة تانية، ولما جاء الدكتور خالد عبد الغفار قلت له هنزود عدد خريجين الطب لإننا مش هنقدر نقول للناس متسافروش دي حريات، مقدرش احبسه جوا البلد".
حراك الشعوب والدولة
وتابع:"القضية اللى بيني وبينكم في الحوار وأي تحدي انت بتطالبني بالحد الأقصى والنموذج المثالي وده مش هقدر اعمله لإن الدولة والشعوب في حياتها في حراك مستمر بتحقق خطوة ثم خطوة والخطوات لا تنتهي".
الحوار الوطني
وأكمل السيسي:"أنا قلت كل اللى هتقولوا عليه في الحوار الوطني هاعمله، واللى هتطرحوه هننظر ليه بكل تقدير واحترام لجهد متواصل ونقاش متواصل بغض النظر عن اختلاف وجهات النظر وفي النهاية بيجمعنا مصلحة وطن".
التكلفة الطبيبة في أمريكا والمبادرات الصحية في مصر
ولفت:"في أمريكا التأمين الصحية والتكلفة الطبية 3 تريليون دولار وهما حوالي 400 مليون، احنا معندناش الأرقام المالية دي وعلشان كده بنعمل مبادرات فيروس سي واضعاف السمع والاكتشاف المبكر لسرطانات الثدي والاستهداف ده اقتصادي، وبالنسبة لدعم الصادرات احنا ممكن نزود الحوافز لـ60 مليار، احنا مقدرين كل التصورات اللى بتتقال انا برحب بيها واي حد بيقدم حاجة لبلدنا ابقى خاين لو مدعمتهوش بس بقول يا جماعة علي مهلكم علي نفسكم مش عليا ".
وعود السيسي
ولفت:"المصريين اثبتوا خلال الـ10 سنوات اللى فاتوا اللى قدمت شهيد واتنين تقولي عندي كمان شاب خده وتحمل الظروف الاقتصادية هو مين اللى بيستحملها أنا لا كلنا، ولكن اسمعوا يا مصريين انا عمري ما قلت كلام معسول ليكم علي ان الأمور هتبقى خضراء ومعايا صفايح العسل وبرطمانات الزبدة ولكن قلت البلد عايزة شغل من نار علطول ان كنت الكلام ده مقلتهوش قبل كده وجيت خدعتكم وقلت لكم انا معايا كل حاجة حلوة وهخلصها وبعدين تراجعت والوعود اللى قلتها اننا عايزين نشتغل كلنا ليل نهار من 5 الصبح قمت انا من 5 الصبح وانتوا مقومتوش".
نقدم لكم من خلال موقع (فيتو) ، تغطية ورصد مستمر علي مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
