داعية إسلامي يوضح حكم الشرع في عمل زميل وزميلة داخل مكتب واحد

قال الداعية الإسلامي الدكتور أسامة قابيل، من علماء الأزهر الشريف، إن هناك أخلاقيات فى العمل بين جميع الزملاء، لافتا إلى أن العلاقة بين زملاء وزميلات العمل قائمة على طاعة الله ومراقبة الله لنا فى كل تصرفاتنا. 

حكم عمل زميل وزميلة في مكتب واحد

وتابع العالم الأزهرى، خلال حواره مع الإعلامية إيمان رياض، ببرنامج "من القلب للقلب"، المذاع على فضائية "mbc masr2"،: “يجوز عمل زميل وزميلة داخل مكتب لوحدهما ويكون مفتوحا، أمام الناس كلها  ويدخل ويخرج عليه زملاء، حتى لا يكون إطار خلوة شرعية ولازم نغلق كل أبواب دخول الشيطان، كل بنت لازم تعرف إن زميلها فى الشغل ده أجنبى عنها لازم تحترمى إطار الأسرة سواء والدين أو زوج، لأنهم وثقوا فيها وسمحوا لها إنها تنزل تشتغل لتحقق ذاتها وكينونتها”.

وتابع:" كمان لازم احترام الخصوصية وفق القواعد العائلية يعنى فى مواعيد يكلمها فيها زميلها فى الشغل لو فى أمر هام ومصالح العمل متعطلة على ردها، يعنى لو هى متزوجة وزميلها بيكلمها الساعة ١١ أو ١٢ بالليل عشان أمر مهم فى الشغل ممكن تحصل مشكلة، وزوجها يقولها بتكلمى مين وليه وعشان إيه، فى ممكن حل تانى يبعت إيميل أو واتساب أو اى وسيلة بدون كلام، والزميلة ترد على العمل وكل ده يكون فى إطار قواعد العمل الأخخلاقية وطبقا للقواعد العائيلية يعنى فى سيدات ترفض إن حد يكلمها بعد 10 مساء، وكذلك بعد الرجال واضعين قواعد صارمة، لهذا عشان زوجاتهم، يبقى ما دام هناك اتفاق ورضاء عائلى فلا مانع ما دام وفق القواعد الأخلاقية ومراقبة الله فى كل تصرفاتنا".

واستكمل: "لو انتى أو انت داخل وظيفة فى الشغل لازم الأول تسمع وتتفرج وبعدين اتكلم، شوف الشغل ماش  ازاى والناس بتنجح الشغل ازاى، وازاى فى تعاون جماعى".

أخلاقيات العمل بين الزملاء 

وفي سياق متصل قال الداعية الإسلامي الدكتور أسامة قابيل، من، إن العمل إطار مقدس، لأن الله سبحانه وتعالى مطلع على كل عامل وموظف ويراقبه، مستشهدا فى قوله تعالى: "وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ".

وتابع العالم الأزهرى، خلال حواره مع الإعلامية إيمان رياض، ببرنامج "من القلب للقلب"، المذاع على فضائية "mbc masr2"،: "أنا رايح شغلى النهارده بنية إيه، ربنا شايفنى، (سيرى الله)، رايح بنية الكروته ولا التنفيض، وكسول وعندى لا مبالاة، ومش عاوز اتعاون واشتغل، فكرة العقد المبرم الموجود بينك وبين المؤسسة اللى أنت شغال فيها، ده مبرم بينك وبين ربنا الأول، ربنا مطلع عليك وشايفك وهيحاسبك على عملك ده، رايح وأنت صادق وكاتم للأسرار ومخلص فى عملك، وتعمل فى إطار الأخلاق ومراقبة الله لك".

واستكمل: "مفيش شركة مفيهاش تعاون بين زميل وزميلة بيعملوا مع بعض، إذن لا يوجد تمييز بين الراجل والست، فى إطار عام اسمه الاحترام والتعاون، فلازم تعرف إن زميلتك فى الشغل أجنبية عنك، لازم وأنت فى شغلك تفرق بين مشاعر الأسرة، بين والدك ووالدتك وزوجتك وأبنائك، وبين مشاعر الزمالة للزملاء والزميلات فى العمل، التى تخضع للجدية والالتزام وروح العمل الواحد، لازم تعرف إن زميلتك أجنبية عنك، فلما تكون مدير عمل وعندك موظفة جديدة لازم تعطى أوردر لك الناس تساعدها فى العمل ويعلموها ويخلوها تنجح فى عملها، لما تعمل كده هتفرحها وبالتالى هتأخذ أجر وثواب من ععند الله، ما دام كل ده فى إطار أخلاقى يراعى فيه الله".

داعية إسلامي يوضح فضل عبادة جبر خواطر الآخرين

داعية إسلامي: هذا هو سبب التفكك الأسري والطلاق (فيديو)

ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.