تصريحات قوية لخالد يوسف، أبرزها يوسف شاهين أوصاني بإقامة عزاء له بمسجد عمر مكرم
على مدار الساعات الماضية تصدر المخرج خالد يوسف مؤشرات بحث جوجل عربيا ومختلف تريندات السوشيال ميديا وبالأخص موقع (تويتر)، وذلك عقب حزمة التصريحات المفاجئة التي أطلقها بإحدى البرامج التليفزيونية.
خالد يوسف
وكان من أبرز تلك التصريحات هي حديثه عن المخرج الراحل يوسف شاهين.. إذ قال الأول أن هناك وصية لم تنفذ لـ شاهين وكشف عن تفاصيل ما حدث بينه وبين يوسف شاهين قبل وفاته وطلبه أن يقام عزائه في جامع عمر مكرم بمنطقة التحرير.
وقال خلال لقائه ببرنامج "السؤال الصعب" على قناة سكاي نيوز العربية: أنا أول مرة هحكي المشهد ده صوت وصورة كنت قاعد مع الأستاذ يوسف وفجأة قالي ولا أنا لما أموت لازم تعملي العزا بتاعي في جامع عمر مكرم وتشغل الشيخ محمد رفعت الله يرحمه.. أنا اندهشت جدا وقولتله ليه يعني؟ قالي أنا عايز كده ده المشهد اللي أنا عايزه في جنازتي فطبعا لو كنت قولت الكلام ده بعد رحيله كان مين اللي هيصدق الكلام ده ممكن يقوله إني بدعي.
وصية يوسف شاهين
وأضاف: فأنا روحت تاني يوم على طول لولاد أخواته جابى وماريان خوري والأستاذ قاعد وقولتلهم الأستاذ قالي واحد اتنين فكان ردهم مذهل بالنسبالي معندناش مشكلة.. هما مسيحيين.. أنت أعمل العزا في الجامع وإحنا نعمل عزا في الكنيسة فكان ردهم بسيط جدا واتقفل الموضوع .
وتابع: فجأت يوم الوفاة قعدت معاهم وقولنا هنعمل إيه في اللي هو قاله لإن دي تعتبر وصية فقالوا هنعمل زي ماهو قال، فاتصلت عشان أحجز الجامع فرفض وقالوا ده راجل مسيحي إزاي هتعمله جنازة في الجامع ؟ لازم نرجع للجهات المعنية الأمنية وقالولي لازم تكلم فلان حد في وزارة الداخلية..فقالي الكلام اللي إنت بتقوله ده هيعمل قلبان فى البلد وإحنا مش ناقصين ورفض الأمن إقامة العزا.
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوداث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
