دانا حمدان: أهلي طردوني من البيت بسبب الكلاب والراجل اللي هيتجوزني لازم يحبهم (فيديو)
قالت الفنانة دانا حمدان:"أهلي طردوني من البيت بسبب الكلاب، أنا مرتبطة جدا بكلابي فخيروني بين بقائي في البيت بدون الكلاب أو طردي فاخترت الطرد مع الكلاب".
سر انعزال دانا حمدان عن أهلها
وأضافت خلال لقائها ببرنامج "الستات" الذي تقدمه الإعلامية سهير جودة بقناة "النهار":"نقلت لبيت قريب من أهلي وانعزلت عنهم علشان أفضل مع الكلاب، هما بيحبوا الكلاب بس الدوشة أزعجتهم".
حب دانا حمدان للكلاب
ولفتت:"يهمني جدا الراجل اللى هتجوزه يكون بيحب كلابي، علشان ميحصلش مشكلة، أنا مش هاخد راجل علشان انكد عليه أو أضايقه".
هل تقبل دانا حمدان الزواج من رجل يصغرها
وأكدت:"أنها ترفض الزواج من رجل أصغر منها علشان أنا عقليتي أكبر من سني بكتير، أنا دلوقتي 46 سنة مينفعش اخد واحد في في التلاتينات لإن هيبقى فيه فجوة في التفكير والنضج".
تعرض دانا حمدان للتحرش
في نفس اللقاء، كشفت الفنانة دانا حمدان، تفاصيل تعرضها للتحرش الجنسي من طبيب العائلة، قائلة: "واقعة التحرش دي حصلت لي وأنا عمري 14 سنة لكن لما بفتكرها أشعر كأنها حدثت بالأمس".
وقالت دانا حمدان: "اتعرضت للتحرش وأنا عندي 14 سنة ورايحة عند طبيب صديق العائلة وأعطيناه الأمان فلما يتحرش بيا عمري ما هنساها وآثارها مش هتروح".
موقف دانا حمدان من التحرش
وأضافت:"حدوث واقعة التحرش بيا من طبيب العائلة مش هيخليني آخد موقف من كل الرجالة، ولكن قفلت الباب قدام الزواج وأخدت هدنة من الارتباط بس مش عن تعمد، الموقف اللى حصل ليا وأنا صغيرة كان صعب جدا ".
موقف والدة دانا حمدان من التحرش
ولفتت دانا حمدان: "لما اتعرضت للتحرش قلت لوالدتي وهي وقتها مستوعبتش اللى أنا قلته ومصدقتنيش ومصدقتش أن الطبيب يعمل كده، والحمد لله وقتها ربنا ستر لأنه كان في العيادة وفيه مرضى برة فمش هيقدر يعمل علاقة كاملة معايا".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
