أحمد فهمي يكشف قصة غريبة له مع الكلبة زيزي قبل زواجه من هنا الزاهد (فيديو)
قال الفنان أحمد فهمي: "زيزي أشهر كلبة في مصر ليها قصة غريبة قبل زواجي من هنا الزاهد، كنا لسه مخطوبين وطلب مني مصطفى خاطر كلبة صغيرة ليه هو ومراته فطلبت له الكلبة زيزي وهي مبتكبرش وصغيرة وإحنا رايحين نجيبها هنا شبطت فيها وقالت لي أنا هاخدها ومش هفرط فيها وخدتها لبيتها ولما اتجوزنا جابتها عندنا البيت".
علاقة أحمد فهمي بأشهر كلبة في مصر
وأضاف خلال لقائه ببرنامج "مساء دي إم سي" الذي تقدمه الإعلامية إيمان الحصري بقناة "دي إم سي": "فيه سنة كانت هنا الزاهد بتشتغل وأنا مكنش عندي شغل فني وقتها حصل بيني وبين الكلبة زيزي علاقة غريبة ودي أكتر كلبة حبيتها في حياتي وبتعرف تاكل بعقلي حلاوة وقريبة جدا مني".
خوف هنا زاهد من الصراصير
ولفت أحمد فهمي: "أنا مبقتلش أي حاجة من الحيوانات ولا حتى نملة ولا دبانة، هنا الزاهد ساعات بتقعد تصرخ لما يبقى فيه صرصار أنا بقى بشوف أنه جاي ياكل ويمشي مش جاي يأذيني في حاجة فمش بكون عايزه يموت".
علاقة أحمد فهمي بالحيوانات
وأشار: "قبل لما اتجوز هنا الزاهد كنت قاعد لوحدي وبعدين أكتشفت أن فيه فار في الأوضة وأنا مبموتش أي روح ولا حتى فار، فكنت آجي أنام أسمع صوت خرفشة أصحى ألاقيه بياكل في البنطلون بتاعي فكنت بحطله أكل علشان أحافظ على البنطلون، وفضلنا فترة عايشن على هذا الحال وكان أبويا يعدي عليا يقولي غلط يا ابني فقلت هو مش بيإذيني، وبعدين سافرت سفرية رجعت لقيته ميت".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطال، الدوري المصري، دوري أبطال أوروبا،دوري أبطال أفريقيا ، دوري أبطال آسيا ، والأحداث الهامة والسياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
