عرض مقلد عبده موته بطنطا على الطب النفسي وتسليمه لشقيقه
قررت جهات للتحقيق بدائرة قسم أول طنطا بمحافظة الغربية في القضية رقم 3735 لسنة 2023 والمعروفة إعلاميا بـ عبده موته طنطا والمتهم فيها شاب تجرد من ملابسه العلوية وممسكا بيده عصا خشبية وروع المواطنين بمنطقة الاستاد بطنطا،بعرضه علي قسم النفسية والعصبية بمستشفي طنطا الجامعي.
كما قررت جهات التحقيق تسليم الشاب الي شقيقة مع أخذ التعهد عليه بحسن الرعاية الطبية اللازمة له وتم أتخاذ الإجراءات القانونية اللازمة.
كانت منطقة الاستاد التابعة لدائرة قسم أول طنطا بمحافظة الغربية شهدت قيام شاب مجرد من ملابسه العلوية وممسكا بيده عصا خشبية بإثارة الرعب بين المواطنين.
حيث قام الشاب على غرار فيلم عبده موتة، للفنان محمد رمضان بالإمساك بعصا خشبية وبجسد نصف عار بإثارة الرعب بين المواطنين.
وتمكنت الأجهزة الأمنية من إلقاء القبض علي المتهم وتبين أنه مهتز نفسيا ويعاني من مرض نفسي.
تم تحرير محضر بالواقعة واخطرت النيابة العامة للتحقيق
قال الفنان محمد رمضان: "عملت فيلم عبده موته، وأنا عندي 24 سنة، ولو اتعرض عليَّ الفيلم دلوقتِ مستحيل أعمله زي ما اتعرض ولكن هعمله بنضج عقلي ورؤية أشمل وتفاصيل أكتر".
توقعات فيلم عبده موتة
وأوضح خلال لقائه ببرنامج “معكم” الذي تقدمه الإعلامية منى الشاذلي بقناة “سي بي سي”: "وأنا بعمل فيلم عبده موتة، ما كنتش متوقع إن هيشوفه كم الناس الكبير دا ويكسر السينما والسينمات كانت رافضة الفيلم في الأول ولما حقق نجاح كبير بعد يومين أصرت عليه".
حسن النية لدى محمد رمضان في عبده موتة
ولفت: "أنا بدخل بيوت ناس وبشكل عقل جيل علشان كدا ندمان على الفيلم، ولكن من حسن النية في عبده موته إن في نهاية الفيلم هو اتعدم وهو صغير أنا مطلعتهوش بطل".
رؤية محمد رمضان
وأشار: "رؤيتي اتغيرت وما كنتش أعرف أنا هبقى واصل لفين عند الجمهور، وقت الفيلم كنت ماضي فيلم الألماني واتعرض عليَّ فيلم ساعة ونص ووافقت وفيلم حصل خير وعملت الـ3 مشاريع علشان أقدمهم للجمهور، وأقول لهم إني ممثل مصري طالع من وسطكم".
مسلسل ابن حلال
وتابع: "الناس عندها حق في الهجوم وانتقاد فيلم "عبده موته" والنقد اللي وصلني في الفيلم بناءً عليه عملت مسلسل "ابن حلال".
وقال الفنان محمد رمضان: "دلوقتِ بحتفل برأس السنة زمان كنت بتفرج على اللي بيحتفلوا برأس السنة، كان فيه قصر في البحر الأعظم وبيعموا حفلات ونقعد أنا وصحابي بعيد نتفرج على اللى بيحتفلوا ونحس إننا قاعدين معاهم، والإحساسين حلوين زمان كان فيه شعور جميل ودلوقتِ جميل جدًّا، وأنا بحب البلطي والجمبري".
سر ملابس محمد رمضان الغريبة
وعن لبسه الغريب، علق محمد رمضان: "مش في الحقيقة بلبس كده والحفلات بتتطلب جزء من الشو ويبقى فيه بهرجة إنما في الحقيقة بلبس بسيط جدًّا، ولبسي شبه لبس كل الشباب، ومعايا إستايلست بيلبسوني في الحفلات ومعايا إستايلست نيجيري لما يكون عندي حفلة في أفريقيا، وإستايلست مغربي لما يكون عندي حفلة في المغرب، وفي افتتاح فورمولا 1 كنت لابس لبس السباق، وفي حفلة أمريكا بلبس لبس الموضة عندهم علشان ما يبانش إن فيه فجوة".
أغرب بدلة لمحمد رمضان
وعن أغرب بدلة ارتداها، أشار: "كان عندي مؤتمر مع ميتر جينس فقلت للإستايلست النيجيري جابلي بدلة بتاعت تجار الألماظ السنغاليين فمحمود أخويا قال لي لو لبست البدلة لا أنت أخويا ولا أعرفك، ولكن أنا أخدت المخاطرة ولبست البدلة علشان أكسب 2 مليون سنغالي، بيكون فيه إستراتيجية ممكن الجمهور ما بيقدرهاش".
مشكلة أغنية نمبر وان
ولفت: "لما انتقدوا أغنية نمبر وان عذرتهم وحطيت نفسي مكانهم وقلت لو أنا مكانهم وحد تاني بيغني نفس الأغنية هقول مين ابن الذين دا وهتضايق منه طبعًا".
قصة محمد رمضان منذ الصغر
وأشار: "حبيت التمثيل من وأنا صغير ومش عارف أخدته منين لأن مفيش حد في عيلتنا ممثل ولا له في التمثيل، وأمي لمست من وأنا صغير إني بلقط حاجات كتير وبخزنها وبمثلها قدام المراية وقدام أصحابي، أمي كانت شغلها في تفصيل الملابس للسيدات فكان بيجي لها ستات كتير والستات بطبعهم بيحبوا الكلام فكنت بسمع كلام يضحك ويبكي، وكنت ببقى قاعد بذاكر وألاقي نفسي عيطت على واحدة عملت كل حاجة مع زوجها وبعدين يسيبها ويطلقها وياخد اللي حيلتها".
نقدم لكم من خلال موقع (فيتو)، تغطية ورصدا مستمرا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
