زينة: كانوا بيقولوا عليا معضمة، دلوقت وشي بقى موضة وأحسن من صواريخ برة (فيديو)
قالت الفنانة زينة: "أنا لما بسافر برة بشوف بنات صواريخ، وأختي تقول لي بصي، الله على لون شعرها ومش عارفة إيه، بس أنا مقتنعة من جوايا إني أحسن منهم".
نظرة زينة لبنات الخارج
وتابعت خلال لقائها ببرنامج "مساء دي إم سي" الذي تقدمه الإعلامية إيمان العاصي": "أنا دايمًا شايفة نفسي أحلى من أي بنت حتى لو صاروخ رغم إني منكوشة".
رضا زينة عن جمالها
ولفتت: "أنا راضية بشكلي وعاجبني، بس ساعات بقول: بس هي لو عملت مناخيري شوية هبقى أحلى، بس برجع وأقول: لأ لأ أنا كده قمر".
موضة الفنانة زينة والتنمر عليها
وأكملت: "أنا راضية بكل حاجة ومبسوطة بشكلي أوي وما بحبش أغيره، ولما دايمًا يقولوا لي اعملي نيولوك وقصي شعرك برفض لإني موافقة على شكلي ومبسوطة بيه، وكانوا زمان بيقولوا عليَّ دي زينة، دي وحشة أوي ووشها معضم، دلوقتِ بقوا يسافروا يعملوا وشي، فعلًا وشي بقى موضة".
كانت الفنانة زينة قالت في تصريحات لها: "المنتج محمد السعدي هو اللي أقنعني أشارك في مسلسل جعفر العمدة، وأشكره على ترشيحي وبقول له أنا عملت اللي عليَّ".
نجاح مسلسل جعفر العمدة
وأضافت خلال لقائها ببرنامج "حبر سري" الذي تقدمه الإعلامية أسما إبراهيم بقناة "القاهرة والناس": "الحمد لله مسلسل جعفر العمدة نجح وهو نمبر وان في الأعمال الدرامية في رمضان".
موقف محمد سامي من زينة
وأوضحت زينة: "لما أنا ما كنتش موافقة على مسلسل جعفر العمدة، وقتها محمد سامي قال لي أنا عارف إن مكانتك أكبر من كدا وجاية من نجاح وبقول لك اعتذري وما تعمليش حاجة أنتِ مش مقتنعة بيها ومش هزعل لو اعتذرتِ، وكان عايزني أعتذر بأي شكل لأنه كان عارف إني مترددة فهو ما كانش حابب التردد دا".
سر غياب زينة عن سحور مسلسل جعفر العمدة
وأشارت: "ما رُحتش سحور مسلسل جعفر العمدة لأني كنت بعمل عمرة، والسحور ما كانش للمسلسل، ولكن كان لمجموعة المسلسلات اللي عاملها محمد السعدي، ودا كان سحور الشركة، ولو كنت في مصر أنا ما بحبش أخرج في رمضان، وما بصدق أكون مع ولادي، وما عنديش نقطة خلاف مع محمد سامي ولكن مش هشتغل معاه تاني".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي، الدوري المصري، دوري أبطال أوروبا ، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية.
