زينة: الحياة بالنسبة لي فلوس وفكرة الجواز مرفوضة (فيديو)
عبرت الفنانة زينة، عن رفضها النهائي لمبدأ الزواج، قائلة: "أنا مش عايزة أتجوز والأمر مش متوقف على أن الشخص اللى يتقدملي فقير ولا غني، ولكن انا رافضة المبدأ نفسه".
رغبة زينة للمادة
وأضافت خلال لقائها ببرنامج "حبر سري" الذي تقدمه الإعلامية اسما إبراهيم بقناة "القاهرة والناس":"أنا الحياة بالنسبة لي فلوس، إنما المشاعر دي لولادي وأهلي بس".
الشخص الذي تكرهه زينة
وتابعت زينة: "الشخص اللى بيكذب بيسقط من نظري، وانا شخصيتي قوية لدرجة ان الراجل الندل بيخاف يجي قدامي ".
في نفس اللقاء، قالت الفنانة زينة: "الناس اللي وقفوا مع أبو ولادي في الأزمة مبقوش موجودين دلوقتي ومش سامعة صوتهم دلوقتي، وبعدين دي مشكلة شخصية بيني وبين أحمد عز، وكبِرت لأننا معروفين".
رسالة قوية للفنانة زينة عن أزمتها مع أحمد عز
وتابعت:"محدش ليه أنه يتدخل ولا يتكمل في مشكلتي أنا وأحمد عز لأن في الآخر ما بينا ولاد وأي حد داخل بينا خارج في الاَخر، وهيلف الزمن والمواقف وأنا لو وقعت في أزمة أكيد هيجي يقف معايا علشان ولادي وأنا لو لقيته في أزمة هكون أول واحدة تجري عليه وهو راجل كويس ومحترم ومتكفل بولاده وكويس جدا مع ولاده، وياريت محدش يتكلم عن موضوعنا وهو شخصي وعيب حد يتكلم فيه واحنا الاتنين كويسين".
زينة تكشف عن امكانية عودتها لـ أحمد عز
وعن إمكانية العودة لأحمد عز، أكدت زينة:"لكل واحد وواحدة بيتكلموا علينا أنا وأبو ولادي أحمد عز بقولهم أنتم مين؟ ملكوش دخل بيني وبين أبو ولادي، إحنا حرين ناكل بعض هنتصالح نقطع بعض فيه بينا ولاد ملكوش دعوة، هو راجل محترم وأنا ست محترمة ومحدش يتدخل في حياتنا".
موقف زينة من الزواج
وأكدت:"انا مش كارهة الجواز ولا الرجالة، بس انا معنديش الرفاهية أني أحب وأخرج ومعنديش حاجة اديها لشخص لأني وقتي كله وحياتي منصبة علي عيالي وشغلي، اللى هيجي لا هياخد اهتمام ولا حب ولا وقت فحرام اظلم واحد معايا".
حب زينة لـ أحمد عز
ولفتت:"جربت حظي في الخطوبة والجواز، أنا بحب ولادي وأكيد كنت بحب أبوهم ومقدرش اقول غير كده علشان ولادي مش هيسامحوني وعلشان خاطر ولادي اعمل أي حاجة في العالم بس هما يأمروا".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي، الدوري المصري، دوري أبطال أوروبا ، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية.
