هل فكرت شيرين رضا في العودة إلى عمرو دياب؟ الفنانة تجيب بكلمات حاسمة (فيديو)

قالت الفنانة شيرين رضا:"لسه بسمع أغاني عمرو دياب وأكتر أغنية بحبهاله تملي معاك، وأنا وبنتي نور بنحب الأغنية دي جدا".

موقف شيرين رضا من الرجوع إلى عمرو دياب

وأضافت خلال لقائها ببرنامج "أنا والقناع" الذي تقدمه الإعلامية إيمان أبو طالب بقناة "سي بي سي":"ولا مرة فكرت أرجع لـ عمرو دياب بعد انفصالنا، خلاص الحياة بتودي كل واحدة في سكته فالأنسب لنا الصداقة دلوقتي وكمان فيه حاجات لما بتتكسر مبتتصلحش".
 

شيرين ترفض العودة لعمرو دياب

وتابعت:"أنا طبيعتي كامرأة لما بنهي علاقة مينفعش أرجع ليها تاني لأني مبعرفش أبص ورايا تاني علشان كده مفكرتش أرجع لعمرو دياب".
 

مشكلة شيرين رضا الحقيقية 

ولفتت:" أنا مبحبش الغيرة ومبصدقش فيها وباعتقد انها بتبوظ النفسية وشعور سام، وبتبوظ العلاقة بين أي شخصين، ومش الغيرة اللى بوظت علاقاتي العاطفية لكن باظت من تصرفات، وممكن فشل أكتر من ارتباط في حياتي كان سببه أنا، أنا مبحبش الماضي وعيوبي إني عصبية ومجنونة ومش عنيدة أوي لأن العند بيولد الغباء".
 

شيرين رضا: أنا خايفة على بنتي نور وهي سر أبيها عمرو دياب ومعرفش بينهم إيه (فيديو)

شيرين رضا ضيفة منى عبد الوهاب في أنا والقناع

في نفس اللقاء، قالت الفنانة شيرين رضا:"الجوازات اللي باظت وبنتي الوحيدة علموني وخلوني واحدة مسئولة ومش كل الناس تعرف تشيل مسئولية وفيه ناس بتيجي بعد خطوتين تلاتة وتنهار".

مسئولية شيرين رضا

وأضافت:"أهلي علموني واللي حصل بعد كده في حياتي عوامل خلتني أعرف أشيل مسئولية".
 

مشكلة الرجل والمرأة في المجتمع الشرقي

وتابعت الفنانة شيرين رضا:"مشكلة مجتمعاتنا أن الراجل مخادع والست كائن ساذج، الست عقلها بيتخدر من المخادعين وعقلي اتخدر قبل كده وصدقت وعديت بمزاجي".
 

درس شيرين رضا لابنتها نور عمرو دياب

ولفتت شيرين رضا:"علمت بنتي نور عمرو دياب أهمية النقاش، يعني مينفعش أقولها لأ وخلاص لازم أشرحلها سبب اعتراضي أو رفضى، لما بشرح بخيلها تسمع، وعلمتها كإمرأة تحافظ على مخها ونفسها أنها تكون دايما فخورة باللي هي بتعمله ومتتكسفش من حاجة، وطلعت ليا أنها جادة ومبتخليش مشاعرها تمشيها وبتعرف تفرق بين الناس".
 

سر خوف شيرين رضا على ابنتها ووجه الشبه مع عمرو دياب

وتابعت:"خفت علي بنتي من الحياة لأنها عايشة برة، ومن الصعب أني اسيبها واعتمد على أنها تعرف بس انا كنت مصدقة فيها علشان لأني علمتها كفاية انها تعتمد علي نفسها، وأخدت من والدها ايديه ورجليه بالظبط صوابع ايديها ورجليها زي عمرو دياب بالظبط وحركتها زيه وتشبهه في الملامح، بس البنت بتاخد أكتر من مامتها في التعامل، بس نور أكيد سر أبوها بس أنا معرفش ما بينهم إيه". 

ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا، دوري أبطال أفريقيا، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.