محمد محيي: الكينج منير ما بقاش بقوة زمان وحسام حبيب هيطلع شيرين من أزماتها (فيديو)
قال الفنان محمد محيى: "أنا متأكد من اجتياز شيرين عبد الوهاب أزماتها ومشكلاتها الأخيرة، وحسام حبيب فنان ذكي وهيقدر يقف معاها على عكس المتوقع وهيعملوا مع بعض حاجات حلوة أوي".
دور حسام حبيب مع شيرين عبد الوهاب
وأضاف خلال لقائه ببرنامج "حبر سري" الذي تقدمه الإعلامية أسما ابراهيم بقناة "القاهرة والناس": "أنا ما سألتش عليها بعد أزمتها الأخيرة لإن احنا ما ينفعش نتدخل إلا لما هي تستعين بينا، ولكن متأكد إنها هترجع أقوى من الأول وأنا سعيد إني كنت من أوائل الناس اللي شاورت عليها وقلت إن مصر كانت محتاجة صوتها".
ضعف محمد منير الفني
وعن رأيه في الفنان محمد منير، علق: "هو أستاذ كبير والكينج واتربينا على أغانيه وجرأته وحتى لو هو بيغني بكار شديد التميز ومن وأنا طفل جابتني أغنية بنتولد، ولكن حاليًّا مش بقوة أوقات كتير وبشوف إن الوقت اتغير بس بحبه زمان أكتر".
إعلان محمد منير
وعن إعلان محمد منير للسمنة، علق: "أنا مش مكانه وما شوفتش الإعلان، بس هو قيمة كبير جدًّا حتى لو غنا لأي شيء وما أعرفش تفكيره إيه أو اللي حوالين منه إزاي".
آخر أعمال محمد محيي
يذكر أن المطرب محمد محيي كان طرح العام الماضي فيديو كليب أغنية: "مات الكلام" وذلك على موقع الفيديوهات الشهير "يوتيوب"، وهي من كلمات نور الدين حمدي وألحان محمود شريف وتوزيع موسيقي فهد.
وتقول كلمات الأغنية:" مات الكلام خلاص سلام
هوانا ده انتهى
كده اللى فات ما بينا مات دى كلمة قولتها
بلاش عذاب سيب العتاب ليالينا كلها
عب وخوف وسيبنى اشوف حياتى فـ بعدنا
دى مش حياة دى نار وآه ووتوهنا مننا
مشيت معاك وكان هلاك فـ سيبنا بعضنا
كفيانا نبيع وسنين بتضيع منى … منى
وبعيش مجروح وحاجات بتروح منى... منى
كفيانا نبيع وسنين بتضيع منى... منى
وبعيش مجروح وسنين بتروح منى... منى
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، القسم الثاني، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
