ريهام سعيد تعتذر لـ أسما إبراهيم: أنا كنت غلطانة وموهبتك ظهرت ببراعة
أسما إبراهيم، تقدمت الإعلامية ريهام سعيد باعتذار إلى زميلتها الإعلامية أسما إبراهيم من خلال منشور عبر صفحتها على موقع التواصل الاجتماعي فيس بوك.
وكتبت ريهام سعيد، في منشورها: الاعتراف بالحق فضيلة والاعتذار دائمًا لما يكون واجب عمره ما بيصغر بالعكس بيكبر وبيبين تربيه الواحد والحمد لله الميزة الوحيدة اللي فيا إني متربية.
وأضافت: من سنه هاجمت الأستاذ طارق نور عشان أسما إبراهيم فجأة ظهرت واللي كان بيتقال إنها بتنتج لنفسها ومعرفش ده حقيقي ولا لأ ولا ده المهم وساعتها كانت ضعيفة بالنسبالي جدًا إنها تحاور نجوم قامة وكبار وحسيت ساعتها إن المسألة بقت عبارة عن حد معاه فلوس فيظهر على التلفزيون، وبعد ما سنة عدت أنا بعتذر للأستاذ طارق نور اللي أثبت أن لما الاستاذ يتكلم التلاميذ تسكت أكيد كان عنده نظرة.
توليفة مميزة
وتابعت: أسما السنة دي عاملة توليفة شاطرة أوي بين السخونة والصدق وعدم الفبركة والضحكة وإظهار الحقيقة والمهنية والمحايدة وكل حاجه حلوة، يمكن في الأول كان في عدم خبرة ورهبة الكاميرا بس السنه دي أبدعتي، بما إني شخصية بتحب كل حاجه تبقي مفهاش غلطة أنا فاهمة أنا ليه كتبت كده وأنا ضد تقييم زملاء بس برضوا كان صعب أعتبر أسما زميلة في سنة واحدة بعد ٢٥ سنة.
وواصلت ريهام سعيد: أسماء إبراهيم أنا كنت غلطانة وأمتعتينا بابتسامتك الحلوة وموهبتك ظهرت ببراعة كفاية إن في ناس بقالهم سنين ومتعلموش حاجة، أنت خارج تقييمي أو تقييم غيري محدش ليه أنه يقيم أنا كنت غيرانه على المهنة في وقت ظهر ناس كتير أوي مالهمش معنى، أهلا بيكي زميلة جميلة رقيقة مع ضيوفك بتحطي السم في العسل البرنامج رقم واحد في رمضان هارد توك، إن شاء الله من نجاح لنجاح وكل التحية لميلاد أبي رعد الجندي المجهول وراء نجاح القاهرة والناس وصانع النجوم الأول.. أنا آسفة".
ونقدم لكم من خلال موقع "فيتو"، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد،المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل: الدوري الإنجليزي، الدوري الإيطالي، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية.
