ياسمين رئيس تكشف سر انسحابها من مسلسل مصطفى شعبان (فيديو)
كشفت الفنانة ياسمين رئيس، حقيقة خلافها مع الفنان مصطفى شعبان بسبب مسلسل "بابا المجال"، موضحة:"انا كنت بصور في المسلسل وبعدين قلت للقائمين علي العمل هسافر فرفضوا فسيبت التصوير وسافرت علشان الجداول مش مظبوطة".
مشكلة مسلسل بابا المجال
وأضافت خلال لقائها ببرنامج "حبر سري" الذي تقدمه الإعلامية أسما ابراهيم بقناة "القاهرة والناس":"جداول التصوير اللى كانت بتتحط في مسلسل بابا المجال، كانت كل شوية بتتغير، والعقد فيه شروط الطرفين بيتفقوا عليها، وفجأة لما يحس طرف من الطرفين انه مش قادر فبينحسب، وانا مكنش عندي استعداد افضل مستنية الجداول اللى كل شوية بتتغير بسبب ظروف معينة فمكنش الأصلح ليا اني مكملش ومكنش فيه عمل تاني مشتركة فيه".
جدول ياسمين رئيس
وتابعت:"هي الجداول بتاعتي مفيهاش غير تصوير بس فين حياتي وانا؟ انا طول عمري بقول ان بيتي وابني الأول وبعد كده شغلي، ولو فيه حاجة هتيجي علي بيتي وابني مش هينفع مقدرش، ولو في فترة من الفترات ابني قاللى انا محتاجك معايا هسيب التمثيل علشانه طبعا ومفيش أهم منه في الدنيا".
حقيقة تفضيل ياسمين رئيس ياسر جلال علي مصطفى شعبان
وأكدت ياسمين رئيس:"مفضلتش ياسر جلال علي مصطفى شعبان، انا في مسلسل الف ليلة وليلة بعمل دور شهرزاد ودي حاجة مختلفة تماما عن مسلسل بابا المجال لموسم رمضان، مسلسل الف ليلة وليلة بقاله 20 سنة متعملش وانا كنت مبسوطة جدا لما جالي الترشيح ومكنش ينفع اقول لأ والعمل لسه هيتعرض 2024".
وتابعت:"قبل تصوير بابا المجال، كنت قايلة لهم ان وقتي فيه من كذا لكذا وبعد كده عند وقت معين ليا ولبيتي ولإبني محتاجة اعمل فيه حاجة معينة وانا قايلة لهم من شهر 4 اللى فات".
و نقدم لكم من خلال موقع (فيتو)، تغطية ورصد مستمر علي مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
