ميس حمدان تكشف كواليس تعرضها للتحرش الجنسي عدة مرات من ابن الجيران (فيديو)
قالت الفنانة ميس حمدان: "تعرضت للتحرش الجنسي وأنا صغيرة ومكنتش مرة واحدة.. كانت مرات كتيرة، بس اللى هوِّن عليا دلوقتي إني اكتشفت إني مش لوحدي.. طلعت البنات كلها ودي مصيبة سودة".
تصريح صادم من ميس حمدان عن نسبة التحرش الجنسي
وأضافت خلال لقائها ببرنامج "VIP" الذي تقدمه الإعلامية أميرة بدر بقناة "هي": "90% من البنات اللى انا أعرفهم اتعرضوا لتحرش جنسي من البواب والسواق وولاد الخالة والخال والعم والعمة، والفكهاني والكشك اللى علي الناصية والمدرسين وسواقين التاكسي وناس بتشتغل في محلات ودكاترة".
تعرض ميس حمدان للتحرش الجنسي
وأكدت: "تعرضت لمواقف تحرش جنسي كتير وإذا مكنش جسدي كان فيه لفظي، وإذا مكنش تحسيس كان لفظي، واللى انا بستغرب له جدا إني أموت واعرف ليه مكناش بنتكلم وليه كنا بنخاف، وليه مكنتش بروح واقول، يمكن علشان الأهالي بيعلمونا ولكن انا دلوقتي مع بنتي اختي مي كل يوم والتاني اقول لها خللي بالك ولو حد عمل لك حاجة إجري وصوتي واوعى تسكتي".
رد فعل ميس حمدان خلال وقائع التحرش بها
وتابعت: "انا لما كنت بتعرض للتحرش كنت ببقى قاعدة ساكتة وكإني مزنوقة في كورنر، لازم يبقى فيه إرشاد للبنات إزاي يتعاملوا مع المتحرش وميبقوش خايفين وإنهم لازم يتكلموا مع أهاليهم".
واقعة مرعبة خلال تحرش ابن الجيران بميس حمدان
وأكدت: "أنا ابن الجيران اقرب حد اتحرش بيا، ومن حد كبير من أشخاص في سن العشرين وأنا كنت عندي 10 سنين ويقول لي تعالي بس معايا، اطلعي هنجيب حاجة من فوق، وكنت ببقى مش عارفة أعمل إيه ولا أتصرف إزاي، وبعد لما يتحرش بيا يقول لي يللا انصرفي".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار الاقتصاد ، أخبار المحافظات ، أخبار السياسة، أخبار الحوداث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا، دوري أبطال أفريقيا، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
