منة فضالي: غلطت في حياتي كتير لكن بقرأ قرآن وبسبح كل يوم رغم لبسي العريان (فيديو)
قالت الفنانة منة فضالي: "علاقتي بربنا كويسة أوي وبتواصل معاه كل يوم، وبقعد أتكلم معاه عن اللي بيحصل معايا".
روتين ديني لمنة فضالي
وأضافت خلال الجزء الثاني من لقائها ببرنامج "VIP" المذاع على قناة "هي": "أنا دايمًا أول لما بصحى لازم أستغفر ربنا، الاستغفار 100 مرة والتسبيح 100 مرة والتكبير 100 مرة، وده اللي أمي علمته لي".
علاقة منة فضالي بالله
وتابعت: "أنا بقرأ قرآن وبسبح كل يوم وممكن دا يكون بيتناقض مع لبسي، والناس تفضل تقول لي انت بتلبسي عريان إزاي وتقرئي قرآن، بس أنا عايز أقول للناس ما تحكموش على الشخص من اللبس وحياته لأنه ممكن يكون أقرب لربنا من أي حد تاني وعند ربنا أحسن من ناس كتير".
أخطاء منة فضالي وعنادها مع والدتها
ولفتت: "بستغفر ربنا على حاجات كتير وأنا غلطت في حياتي وعملت أخطاء كتير وزعلت أمي كتير جدًّا وفي فترة من الفترات كنت بعاند معاها لأني كنت صغيرة، ولكن لما كبرت عرفت قيمة أمي".
في نفس اللقاء، كشفت الفنانة منة فضالي، سر هجومها على الفنانة المعتزلة حلا شيحة، قائلة: "أنا مش محجبة وبلبس فساتين عريانة، بس عمري ما هلبس الحجاب وأروح قالعاه، لأن كده يبقى بنضحك على ربنا، مش كل شوية ألبس الحجاب وأقلعه حاجة مش لطيفة وبتضايق".
مشكلة الحجاب مع حلا شيحة
وأضافت: "أنا مش محجبة بس بفهم في الدين، ما ينفعش حلا شيحة كل شوية تلبس الحجاب وتقلعه، حرام، لأن كدا تبقى بتضحك على ربنا، هل لبس الحجاب وخلعه بقت موضة".
أزمة حلا شيحة مع تامر حسني
وتابعت منة فضالي: "حلا شيحة تسببت في مشكلة وأزمة كبيرة وقت ما كانت بتصور فيلم مع تامر حسني وما نزلتش تكمل تصوير وشالوا مشاهد ومش عايزة تروح تعمل دوبلاج علشان لبس الحجاب طيب قلعنا الحجاب، طيب الناس ذنبها إيه وليه بتغلطي في الزملاء وتقولي الفن حرام ما أنتِ قلعتِ الحجاب وبتلبسي زيك زينا دلوقتِ مش دي حاجة تضايق".
منة فضالي تكشف الفارق بين حلا شيحة وحنان ترك
وأردفت: "احنا مش بنهين حلا شيحة، لكن احنا بننتقد الحالة، وأنا أصلًا بحبها كممثلة لأن وشها مريح بالنسبة لي وبحس إنها مش مصرية وشها إسباني وفرحت لما اتجوزت واتحجبت وزعلت إنها سابت الفن لأن شكلها قمر وممثلة شاطرة، وأنا مش ضدها لكن ضد الحالة يا ألبس حجاب وأبقى محجبة يا إما ما ألبسهوش احنا عندنا حنان ترك قمر وكانت نجمة ومفيش أي منافس ليها وكل الناس بتحبها واتحجبت وبعدت وما قلعتش الحجاب، وأنا ممكن ألبس الحجاب في يوم من الأيام بس ما جتش في بالي".
نقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
