نيللي كريم ترد علي إساءة باسم سمرة وتصفه بالفنان الكبير(فيديو)
ردت الفنانة نيللي كريم، علي تصريح الفنان باسم سمرة، بشأن موهبتها وقدراتها التمثيلية، وأنها تعلمت التمثيل منه هو والفنانة انتصار في مسلسل "ذات" و"مكنتش عارفة تقول كلمتين علي بعض".
شهادة نيللي كريم في حق باسم سمرة
وقالت نيللي كريم خلال برنامج "حبر سري" الذي تقدمه الإعلامية اسما ابراهيم بقناة "القاهرة والناس":"بالتأكيد باسم سمرة فنان كبير، وأيضا انتصار فنانة كبيرة، وهما كان عندهم خبرة أكتر مني في التمثيل في مسلسل ذات، وإن الواحد يتعلم ده مش عيب".
أحلى مشهد لنيللي كريم مع باسم سمرة
وأضافت،"من أحلى المشاهد اللى عملتها كانت مع باسم سمرة وهو فنان كبير، ولكن ألومه علي كلمة إني مكنتش عارفة أقول كلمتين علي بعض، لأ انا كنت قبلها عملت أعمال مهمة وكنت قادرة أقول كلام كتير ورا بعض بس متأكدة إنها طلعت منه بعفوية وهو فنان جميل وصديق وقضينا أيام حلوة في مسلسل ذات".
نيللي كريم توجه رسالة لباسم سمرة
وتابعت:"اتعلمت من باسم سمرة وكان فيه ما بينا كيميا ومكنش فيه مشكلات في الكواليس، ومش عارف ليه قالي عليا إني مكنتش عارفة أقول كلمتين علي بعض، بس هو فنان كبير واتعلمت منه ومش زعلانة منه علشان عارفة إنه إنسان طيب وابن بلد وجدع وأنا شخصيا مشوفتش منه حاجة وحشة واعتقد هو كذلك لا في التصوير ولا قبل التصوير ولا بعد التصوير، وأتمنى تجمعنا أعمال تانية وأنا بحبه جدا".
في وقت سابق، قالت الفنانة نيللي كريم:"طلبت من بنتي تشتغل في سن صغيرة عن اقتناع علشان لازم ولادنا يعرفوا إن الفلوس دي مش بتتجاب بالساهل، وفي الصيف بدل القعدة علي التليفونات وعمل حاجات مش مفيدة نشتغل ونعمل حاجة بسيطة تحسسهم بالتعب".
ضمير نيللي كريم
وتابعت خلال لقائها ببرنامج "أنا والقناع" المذاع علي قناة "الحياة":"الضمير والإخلاص والحب والسعادة أشياء لا تباع ولا تشترى".
صورة الحزن التي صدرتها نيللي كريم
ولفتت نيللي كريم:"صدرت صورة الحزن عن نفسي بشكل مكثف ومتكرر في أعمالي عن اقتناع، وأي مشاعر مش صادقة الناس مش هتتأثر بها والممثل بيتفقس بسرعة".
إصابة نيللي كريم بالاكتئاب
وأشارت:"فيه أعمال أرهقتني جدا وبقعد فترة لحد لما أخرج منها، وأصبت بالاكتئاب بعد تصوير مسلسل ذات، والشخصية عاشت معايا من 2011 لحد لما اتعرضت في 2013، ولما شوفت نفسي في الستينيات من عمري حصلي فوبيا بسبب تغير شكل الجسم والتخن، وفي لحظة وأنا داخلة البلاتوه بصيت علي نفسي المراية اتخضيت وقلت مين دي والشخصية بصمت عليا".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، القسم الثاني، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
