نهى العمروسي: معظم عائلتي جماعات إسلامية وشيوعيين بس احنا ما كناش متدينين وبنشرب
قالت الفنانة نهى العمروسي: "أهلي ما كانوش متدينين أوي لكن أولاد أعمامي كانوا أمراء جماعات إسلامية متطرفة أيام السادات".
عائلة نهى العمروسي المتطرفة
وتابعت خلال لقائها ببرنامج "في آي بي" الذي تقدمه الإعلامية أميرة بدر بقناة "هي": "كان عندي شريحة من العائلة كانوا من أوائل المنتقبات وفيه اللي مطوِّل دقنه، لكن عائلة ماما كانوا وسطيين".
جماعات إسلامية متطرفة وشيوعيين في عائلة نهى العمروسي
وأضافت: "ولاد عمتي كانوا أمراء جماعات إسلامية متطرفة، وعمي كان أبو الشيوعيين في مصر، وكنت بشوفهم متطرفين في أفكارهم وأفعالهم ومحبكينها إن الشعر لازم يتغطى والوش لازم يتغطى وأنا كنت في نادي الجزيرة وعايشة في مجتمع تاني".
العلاقة بين نهى العمروسي وعائلتها المتطرفة
ولفتت نهى العمروسي: "بعد لما دخلت الوسط الفني ما احتكيتش بأقاربي المتطرفين لكنهم كانوا بيحبوني، فكنا لما نشوف بعض كان فيه ود، والطرفين اللي في العائلة جماعات إسلامية وشيوعية كانوا زي الفل مع بعض، ولكنهم ما كانوش بيتفقوا مع بعض في الأفكار، ولسه محافظين على درجة القرابة".
الحياة الدينية لنهى العمروسي
وأشارت: "البيت اللي كنت عايشة فيه ما كناش متدينين ومش ملتزمين، واللي يقدر يصوم يصوم، بس ما كانش فيه صلاة وكان فيه شرب، وأنا ابتديت أصلي لما كبرت".
في نفس اللقاء، قالت الفنانة نهى العمروسي: "منظومة الجواز في البلاد الشرقية فيها خلل وحاجة مش مظبوطة والراجل بيبقى عنده حياة مزدوجة بمعنى مراته في البيت حلوة وشيك وزي القمر بس ممكن يعرف واحدة واتنين وتلاتة والمجتمع بيسمح له بكده".
منظومة الزواج في نظر نهى العمروسي
وتابعت خلال لقائها ببرنامج "VIP" الذي تقدمه الإعلامية أميرة بدر بقناة "هي": "أنا بحب الرجالة لكن منظومة الجواز فاشلة عندنا في الأوساط العربية".
الفرق بين الرجل والسيجارة بالنسبة لنهى العمروسي
وأضافت: "فكرة الجواز فاشلة وبنسبة 99.9% صعب أتجوز تاني وما عنديش تقل أدخل علاقة جديدة، أنا ما بدخلش علاقة علشان أتجوز، وبعدين كبرت واتطلقت من 2006، ومن وقتها بطلت الجواز، وبطلت الرجالة بالدخان لأنه أفيد على الصدر، بالنسبة لي السيجارة أحلى من الراجل على الأقل بشربها وبتحكم فيها والراجل ساعات ما أعرفش أجيبه".
نهى العمروسي تهاجم الرجال
وأكملت نهى العمروسي: "السيجارة أحلى من الراجل لو هتبوظ لي صدري، إنما الراجل بيحطم لي قلبي ومشاعري، الراجل بيموتني 1000 مرة وأنا عايشة فلا يمكن أعيد تجربة الزواج تاني، وكل شوية بيتعرض عليَّ وبرفض".
نقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
