رانيا يوسف: مش خايفة من يوم الحساب وغلطتي الوحيدة فستان البطانة (فيديو)
قالت الفنانة رانيا يوسف:"أنا بحب ربنا بس مش بخاف منه لإني مبعملش حاجة غلط وأنا في الاآخر بني اآدمة وبغلط وباروح وبارجع ومش ملاك".
علاقة رانيا يوسف بالله
وتابعت خلال الجزء الثاني من لقائها ببرنامج "العرافة" المذاع علي قناة "النهار":"أنا بني اَدمة بتغلط وبرجع لربنا وبستغفره وده مش معناه إني بخاف منه، أنا بحبه وبرجعله علشان أنا بحبه".
عدم خوف رانيا يوسف من يوم الحساب
وأضافت:"انا لا بخاف من ربنا ولا بخاف من يوم الحساب ومش عارفة انتوا خايفين ليه، أنا مش خايفة من الموت خالص ولا يفرق معايا بالعكس راحة من المسئوليات، أخاف علي بناتي".
رانيا يوسف تعترف بخطأ ارتداء فستان البطانة
ولفتت:"انا مش بخاف من يوم الحساب لإن عندي ثقة مطلقة، ولما ربنا يسألني عن فستان البطانة هقوله غلطت ورجعت وكان سوء تقدير مني، وسمحت لبنتي تلبسه لأنها طفلة عندها 16 سنة".
في الجزء الأول من نفس اللقاء، قالت الفنانة رانيا يوسف:"كان بيجيلي عرسان وأنا متجوزة ومش شايفاها إهانة لأي شخص اتجوزته، والموضوع كان بيجيلي بشكل غير مباشر عن طريق صديقة ليا".
مشكلة الحب مع رانيا يوسف
وتابعت خلال لقائها ببرنامج "العرافة" المذاع علي قناة "المحور":"انا في الحب بنجرف بسرعة لأن إحساسي وعواطفي بتسبق العقل عندي".
ندم رانيا يوسف على زيجاتها
ولفتت رانيا يوسف:"تمنيت لو لم أتزوج للمرة الثانية والثالثة، وللأسف فشلت في 3 جوازات، وفيه زميلات فشلوا في 5 و7 جوازات، أنا لسه معملتش الرقم القياسي بتاعهم".
سر الزيجة الثانية والثالثة لرانيا يوسف
وأشارت:"الزيجة الثانية والثالثة كانوا لأسباب شخصية لما حصل الانفصال بيني وبين محمد مختار خفت علي سمعتي وكلام الناس وعندي بنات وأنا لسه صغيرة وكان فيه إلحاح من أهلي إني لسه صغيرة ولازم تتجوزي، بس وقفت العداد عند الجوازة الثالثة".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو،أسعار العملات، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطال، الدوري المصري، دوري أبطال أوروبا،دوري أبطال أفريقيا ، دوري أبطال آسيا ، والأحداث الهامة والسياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
