تبرير غريب من يسرا لحضورها حفل الزفاف بعد جنازة سمير غانم، ماذا قالت (فيديو)

ردت الفنانة يسرا، على حملة الهجوم التي تعرضت لها بعد حضورها حفل زفاف عقب جنازة الفنان الراحل سمير غانم.
 

مشاعر يسرا في جنازة سمير غانم

وقالت يسرا خلال لقائها ببرنامج "أنا والقناع" المذاع على قناة "سي بي سي": "حضرت جنازة سميرة غانم الصبح وبالليل كنت في فرح ولازم تصدق مشاعري في الاتنين، فيه أكتر من أمي حزنت عليها ما أعتقدش، وأي حد حزنت عليه حزنت عليه من قلبي وأي حد فرحت له فرحت له من قلبي".
 

سر حضور يسرا فرح في يوم وفاة سمير غانم

وتابعت: "أنا كل يوم عندي حالة وفاة وحالة فرح هعيش إزاي، بتتحسب عليَّ لو رُحت أو ما رُحتش بس أنا اتعلمت حاجة إني عمري ما هقدر أرضي العالم مهما عملت، قمت بواجب أو ما قمتش انبسط كرهت أعيط مش هرضي حد".

وأكملت يسرا:"مش يمكن لما رُحت الفرح علشان أنسى الحزن، العريس والعروسة كانوا زي ولادي بالظبط لإني علاقتي بالعيلة دي مهمة، وعلاقتي بعيلة سمير غانم برضو مهمة".
 

مكالمة يسرا ودلال عبد العزيز

ولفتت: "مفيش شك إني بحب سمير غانم، وطالعة من جنازته وبكلم دلال عبد العزيز ومش قايلة لها إني في جنازته، بس الناس مش فاهمة أو بتبقى نفسها تشوف لي الغلط ويحاولوا يغلطوني".

يسرا: بخاف المرض أكتر من الموت ولما هعتزل مش هعرف حد (فيديو)

يسرا: مقدرش أتبرى من أبويا بس أمي أختارت غلط (فيديو)

وأشارت: "يوم ما خرجت من جنازة سمير غانم وأنا بكلم دلال عبد العزيز قلت لها أنا طالعة دلوقتٍ ورايحة فرح وقدرت أخبي عليها علشان أنا خايفة عليها".
 

في نفس اللقاء قالت الفنانة يسرا: "أنا يوم ما هعتزل التمثيل عمري ما هقول لحد إني اعتزلت، ولما هبطل اشتغل مش هقول لحد حاجة لإني مش هبقى لاقية الحاجة اللى انا هطلع فيها بقيمتي".
 

وتابعت خلال لقائها ببرنامج "أنا والقناع" المذاع على قناة "الحياة": "لو اعتزلت ممكن أعمل مشروع بس أنا عمري ما فكرت إني لما أعتزل هطلع الصبح أعلن الاعتزال".
 

وأضافت: "الطمع في النجومية للشخص اللي جعان نجومية، وأنا بخاف من المرض أكتر من الموت والاتنين علينا حق، لكن المرض إحساسنا بيه واحنا تعبانين ومش عارفين إذا كنا هنقوم منه ولا لأ إحساس صعب".

ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.