الكلام على مين.. اعرفوه لو كنتم شاطرين

ليلة الخميس وكلام الناس
برامج لجمهور راقي حساس
تقديم بنت مصرية جميلة
تدافع عن الرجال بكل حماس
 

صوتها شتوى بنت الإيه
حلوة ومعسلة معرفش ليه
دايما تعادي بنات جنسها
وهو دا اللي شاطره فيه
 

المجلس القومى للمرأة عاداها
ومحاميين مصر وقفوا معاها
وانتصرت على نهاد أبو القمصان
وذاع صيتها واتردد صداها
 

كتاف الراجل آه منها
وحاجات تاني مقولش عنها
الفرعون الصغير يا محلاه
والست جارية غصبن عنها
 

لكن الغريب دا كله ليه
والهدف من برنامجها إيه
يا ترى بتهد ولا بتبني
ولا فى شيء ناويه عليه؟!