كلب أميرة شنب يثير الغضب، حكاية جديدة لقريب جارها تكشف سر البيتبول المفترس

أميرة شنب، تصدر اسم الإعلامية أميرة شنب تريند مصر بمواقع التواصل الاجتماعي، ومؤشر البحث الأكثر شهرة "جوجل"، وخاصة بعد هجوم كلبها "البيتبول" على جارها، وتسبب له في تهتك بالذراع والعضلات، وهو الآن بالمستشفى فاقد الوعي.

سر هجوم كلب أميرة شنب على جارها

وكلب أميرة شنب تسبب في حالة من الغضب الشديد بين نشطاء مواقع التواصل الاجتماعي، وخاصة بعد أن سرد أحد أقارب محمد محب، الذي أصيب بإصابات بالغة لهجوم كلب الإعلامية أميرة شنب عليه، التفاصيل الكاملة لهجوم البيتبول الشرس عليه. مدشنين هاشتاج "لا للكلاب الشرسه" 

وحكي عبد الرحمن الماوي عن هجوم كلب أميرة شنب فقال: "حكاية ابن عمى محمد محب الماوي.. محمد شاب في الاربعين من عمره ساكن في كومباوند بيڤرلي هيلز بمدينة الشيخ زايد.  مدير ناجح في بنك عالمي وأب لولد وبنت.. حظه انه ساكن تحته المذيعة #أميرة_شنب اللى بتقدم برنامج #أميرة_في_المطبخ اللى عندها كلب "بيتبول" ضخم العضلات..". 

هجوم كلب البيتبول المفترس

وتابع عبد الرحمن الماوي سرد حكاية ابن عمه فقال: "وبالرغم ان محمد بيحب الحيوانات الا ان الكلب ده كان دايما يهاجمه في الطالعة والنازله وكان دايما بيقول انه صعبان عليه جدا انه مش واخد عناية كافية في تحسين السلوك وبيهاجم كل اللي يشوفه". 

وعن اليوم الذي وقعت فيه المشكلة قال الماوي: " يوم الاحد اللي فات قرر محمد انه يخبط علي باب الجيران اللي تحته عشان يطلب منهم يسيطروا شوية علي كلبهم بدل ما هو عمال يهاجمهم كده من ورا السور القصير اللي عادي جدا انه ينط من فوقيه. فتحت له الشغاله باب الشقه.. وقبل ما يفتح بقه بكلمه واحده". 

وتابع عبد الرحمن الماوي سرد قصة ابن عمه مع كلب أميرة شنب "خرج الكلب المفترس ده من وراها وهجم علي محمد في مدخل العمارة اللي كان واقف فيه ابنه "علي" !! وحاول انه يفدي ابنه.. الكلب حرفيًا قام بإفتراسه بدون مبالغه.. عض في الذراع والفخذ وأماكن متفرقه من الجسم نتج عنها  قطع نافذ في الأوتار والأعصاب! وطبعا ابنه واقف وشايف ده كله بيحصل". 

توقف في عضلة القلب لمدة 30 دقيقة

وعن تقرير إصابات محمد محب قال عبد الرحمن: "الإصابات عبارة عن:

 ١-جرح قطعي متهتك بالذراع والساعد الايمن

 ٢- قطع بالعضلات 

٣-قطع بالعصب الكعبري ادت الى شلل بالعضلات الباسطة للرسغ والاصابع.

 ٤- سحجات وكدمات بالصدر والفخذ الايمن وعليه اتنقل محمد لمستشفى دار الفؤاد لإجراء الكشف الطبي

وتابع قائلًا: "وهناك قرر الدكاترة انه لازم يعمل عمليه اصلاح للعضلات والاوتار والعصب لمحاولة انقاذ ما يمكن انقاذه. بتاريخ يوم الاثنين الموافق ٢٧/٢/٢٠٢٣ دخل محمد غرفة العمليات وبمجرد تخديره حدث توقف في عضلة القلب غير معلوم الأسباب حتى الآن دام لمدة ٣٠ دقيقة."

وأضاف عبد الرحمن الماوي "ادى لأصابته بغيبوبة عميقة لازال فيها حتى اليوم. مين المسؤول عن الكارثة دى؟ المذيعة اللى مربية وحش فى بيتها وسايباه يهاجم الناس؟ ولا المستشفى اللى حقنته بمخدر أوقف قلبه فى نفس اللحظة؟... ادعوله بالشفاء ارجوكم فالدعاء يغير الأقدار وهو الآن بين يدى الرحمن القادر علي كل شئ".

القبض علي زوج أميرة شنب

وهنا علق عبد الحميد أحمد حمدي قائلًا: "مش فاهم حب بعض الناس بتربية الكلاب البيتبول ليه اربي كلب شرس وخطر- ومش فاهم ليه حد يربي كلب ويخلي حد بيشتغل عنده هو اللي يمشي الكلب يبقي انت جبت الكلب ليه-". 

وردت سحر عزو قائلة: "الموضوع ده بيستفزنى جدا.. ومش قادرة افهم ازاى حاجة زى كدة تندرج تحت بند الحرية الشخصية! انا شايفاها جريمة وتعدى على حقوق الاخرين بازعاجهم وترويعهم".

وقال ماجد هلال: "انا بحب الكلاب بكل سلالاتها بس لما جيت اربي اخترت الجيرمان شيبرد علشان يكون وسط عيلتي واولادي وبزعل من نفسي جدا لو ماشي بيه ف الشارع وحد خاف منه رغم انه ودود جدا ومسالم حتى مع الكلاب والحيوانات الاخرى".

أما معاذ النجمي فقال: "ألقت الأجهزة الأمنية القبض على، زوج الإعلامية أميرة شنب، بعدما عقر كلبه جارهم، الذي يعمل مديرًا لأحد البنوك، في مكان سكنهم بمدينة الشيخ زايد."

وردت ماجي طاحون قائلة: "وتم القبض علي زوج المذيعه أميرة شنب مع ان الكلب كلبها والراجل دخل #غيبوبه لا حول ولا قوة الا بالله.. انا مش فاهمه ايه التعليقات دي ان كل ما يبقي معانا فلوس نجيب كلب علشان نتمنظر بيه، والنتيجه ترويع الناس وفي منهم اللي يتأذى منه، ربنا يشفيه ويعافيه". 

وعبرت نها حامد عن غضبها قائلة: "يعني عندك كلب مفترس زي ده تربطيه ومتخليش باب الشقه يتفتح غير بحساب قبل ما يهجم علي اي حد ربنا يشفيه ويقوم بالسلامه يا رب #أميرة_شنب".

وقال أتون داش: "اميرة شنب اللي هي اميرة في المطبخ مربية وحش عندها في البيت بدون رقابة تسبب في تمزق الراجل قدام ابنه وجت مستشفي دار الفؤاد كملت عليه بمخدر غلط دخل في غيبوبة بسببها لحد دلوقتي".

وعلق حمدي أحمد فقال: "#اميره_شنب الكلب من النوع المحظور استيراده دوليًا!".

لا للكلاب الشرسة

وقال خالد سويدة: "الناس بتشتري كلاب مش عشان تحميها فقط لا دي عشان ترهب وتهدد بيها الناس وتتعدي عليهم.. #لا_للكلاب_الشرسه #أميرة_شنب". 

وعبر أحمد ماهر عن غضبة فقال: "طالما مش قادرين تسيطروا على الكلب جيبتوه ليه... يعنى ذنبه ايه الطفل اللى شاف ابوه بيتقطع". 

وقال سيف عثمان: "كلب البيتبول هو نتاج تهجين عدّة أنواع من الكلاب للحصول على كلب بمميزات عالية من حيث القوة الهجومية والشراسة، مما جعله يصنف كأكثر الكلاب شراسة وعدوانية والأقوى بينها". 

وعلق سام فريد قائلًا: "حريتك تنتهي عند حرية الآخرين - شخص يربي كلب مفترس ويتسبب في إصابة رب اسره وهو الآن بين الحياه والموت - سيده تخلع درف البلكونه الضخمه من مكانها لتغسلها وتركبها فتسقط في الشارع فتتسبب في موت ابني وحبيبي (حسبي الله ونعم الوكيل)- يطلقون الاعيره الناريه في المناسبات فيتسببون في قتل العشرات (الامثله كثيره)- يشتري لابنه عربيه ليتباهى بها بين زملائه فيقودها بتهور فيتسبب في قتل الناس لابد من ردع كل هؤلاء لكي يتعظ الناس". 

حجز زوج المذيعة أميرة شنب بعد واقعة افتراس الكلب لأحد الجيران

بعد واقعة كلب المذيعة أميرة شنب، تعرف على العقوبة المتوقعة

ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.