تامر حسني يعود للتعليم من جديد ويوجه رسالة لجمهوره

الخميس 02/مارس/2023 - 02:14 م

فاجئ الفنان تامر حسني، جمهوره، بتوجيه بعض النصائح، والكشف عن دراسته لعلم النفس وبعض العلوم الأخرى، خلال الفترة الماضية.

في هذا السياق، قال تامر في منشور عبر حسابه الرسمي على موقع التواصل الاجتماعي “فيس بوك”:"صباح الفل على أحلى ناس في الحقيقة أنا بقالي سنه مركز جدًا وبدرس بعض العلوم منها علم النفس وعلوم أخرى"

وتابع بقوله:"المهم أنا عارف إن كتير منا جواهم عادة سيئة أو ذنب مواظب عليه أو طريقة حياة مضايقاه بشكل عام أو قرار مش عارف ياخده زي يبطل حاجة، يخس، يتخن ، في النهاية إحنا هنقف قدام ( قرار صارم) خد قرار صارم حط حاجة مفيدة تشغلك وقتك متسيبش نفسك للفراغ ابدًا".

وواصل بتوجيه نصائحه لجمهوره قائلًا:"المهم أوي بقى عدد الأيام اللي الإنسان بيحتاجها للتغيير باستثناء إن في ناس بيقاوموا عادات لسنين عشان دا زي ما بقول إنه نسبي، العلم اثبت بالتجارب ان الناس اكيد بينهم تفاوت نسبي حسب ظروفهم، ومعيشتهم واللي اتعودوا عليه طول حياتهم، في ناس عشان تبطل شيء أو تواظب على شيء هتحتاج ١٨ يوما وفي ناس ٦٦ يوما يعني لو أنت جيت عند اليوم الـ ١٨ لقيت نفسك لسه مش قادر، لازم تكمل عشان كده معناه أنك من الناس اللي هتحتاج الـ ٦٦ يوما، ويعني مش هيضر لو حسيت انك محتاج شوية وقت كمان كمل شويه كمان بس متضيعش مجهودك اللي فات يا بطل".

وأختتم: “ساعتها هتبقى فخور بنفسك وروحك المعنوية في السما 💪هتلاقي نفسك اقوى وتفكيرك اجمل بكتير فهتقدر تكمل وأنت مبسوط إن شاء الله يلا نبدأ حالًا على نهار ربنا الجميل”.

على الجانب الأخر، كان رد الفنان تامر حسني عبر حسابه الشخصي على موقع الصور الشهير"انستجرام" على الهجوم الذي تعرض له من الفنان أحمد آدم خلال برنامج الآخير "آدم شو" والذي يعرض على قناة الحياة.

رد تامر حسني

ونشر تامر حسني مقطع فيديو لأحمد آدم وهو يتحدث عن أفلامه وعلق عليه قائلا: "أستاذ أحمد آدم فعلًا بيدي درس حقيقي بيشرح فيه سمات العصر الحالي اللي كلمة تريند فيه جننت عقول بعض الناس وخليتهم يبيعوا مبادئهم وصداقتهم وأمانتهم لمجرد إن الناس تعرفهم أو تتكلم عليهم ولو ليوم واحد ونسيوا أنه لا يصح إلا الصحيح عشان ده عدل ربنا".

وتابع: "أي افاقين مع الوقت هتلاقيهم بيختفوا والمحترم الحقيقي هو اللي بيستمر أصل لما نهتم ونرد على كل كداب أمال اللي بيحبونا نعمل معاهم أيه؟ تابعوا قلوب الناس والمواقع اللي هتاخد كلام الأستاذ أحمد السلبي وينشروه، وعلموا عليهم عشان تعرفوا حقيقتهم … والحقيقة إن فعلًا الكلام السلبي هو اللي انتشر، شكرًا أستاذ أحمد آدم لكلامك وإشادتك الحقيقية في حقي هي شهادة عظيمة من فنان محترم وكبير بفنه وأخلاقه".

هجوم أحمد آدم على تامر حسني

وكان الفنان أحمد آدم هاجم تامر حسني من خلال برنامجه "آدم شو" المذاع على شاشة قناة الحياة قائلا: "تامر حسني مين مش واخد بالي، مش كفاية عليك كدا بقا ولا إيه، أول ما طلع طلعلنا شعر صدره".

وتابع: "بيقدم شوية أغاني تعبانة ويعني إيه أكتر حاجة بحبها فيكي.. طيبة قلبك.. إسفاف، وأفلامه وحشة جدا، وهو اللي بيألف وبيخرج وهو اللي بيعمل موسيقى تصويرية، وهو اللي بيقطع التذاكر بيعمل كل حاجة، أنت مغني ولا كوميديان ولا أنت إيه بالظبط؟".