مأساة البلوجر سارة تشعل مواقع التواصل الاجتماعي، حملة تضامن واسعة من المصريين مع الفتاة الشابة بعد تخلي خطيبها عنها
البلوجر سارة، لا تزال حكاية البلوجر سارة محمد تلقى بظلالها على رواد مواقع التواصل الاجتماعي، حيث عبر النشطاء عن تعاطفهم الشديد وحزنهم على سارة، التي تخلي عنها خطيبها، بعد فقدها لبصرها بسبب تعرضها لحادث أثناء وجودها في سيارة خطيبها.
أزمة البلوجر سارة بعد فقدها بصرها
أزمة البلوجر سارة تصدرت تريند مصر على موقع التواصل الاجتماعي "تويتر"، كما تصدرت مؤشر البحث الشهير "جوجل"، فقد شغلت حكاية البلوجر سارة، وأخر تطورات حالتها الصحية والإنسانية، شغلت بال المصريين.
دشن نشطاء مواقع التواصل الاجتماعي هاشتاج عن البلوجر سارة بعنوان "سارة محمد"، ليكشفوا فيه عن الحكاية الكاملة للبلوجر سارة محمد، وتعاطفهم معها بعد تخلي خطيبها عنها لفقدها لبصرها، وتداولوا فيديو لسارة قبل الحادث تطالب متابعيها بألا يثقوا في أحد.
كشف البلوجر أحمد أحمد النجار عن الحكاية الكاملة للبلوجر سارة محمد فقال: "قالﷺ: "العين حق ولو كان شئ سابق القدر لسبقته العين"، دي بلوجر أسمها سارة محمد، اللي حصل للبلوجر سارة، كان محاولة سرقة علي الطريق الصحراوي من بلطجية بأسلحة ولما معرفوش يوقفوا العربية ضربوا نار عليها هي وخطيبها، أصيبت بـ نزيف فى المخ، وفقدان البصر، نتيجة تدمر أنسجة العين، بسبب دخول زجاج العربية وشظايا في عينها ربنا يشفيها ويعافيها اللهم إنا نعوذ بك من فواجع الأقدار".
تعرضت البلوجر سارة لإصابات بالغة ونقلت للمستشفى
وتابع البلوجر أحمد الحكاية فقال: "البلوجر سارة محمد، تعرضت لحادث مروع، خلال عودتها إلى المنزل برفقة خطيبها، فقدت على إثره بصرها، حيث تعرضوا لإطلاق نار شديد من قبل مجهولين على الطريق الصحراوي، مستهدفين سرقة السيارة. وقع الحادث الأليم خلال عودة سارة مع خطيبها إلى المنزل، في تمام الساعة 10 مساء، الخميس الماضي".
وعن الحالة الصحية للبلوجر سارة محمد قال أحمد النجار "الحالة الصحية لـ سارة.. تم نقل سارة وخطيبها إلى المستشفى الميري بالإسكندرية، حيث أكد الأطباء تعرضها لإصابات بالغة، أدت إلى تجمع دموي ونزيف بالمخ، وفقدان البصر. وأرجع الأطباء سبب فقدانها البصر إلى تدمير أنسجة العين، بسبب دخول زجاج السيارة وشظايا في عينها، حيث خضعت سارة لإجراء عملية بالمخ، ومن المقرر أن تخضع لعملية أخرى قريبًا، لكن بعد تخطي مرحلة الخطر".
البلوجر سارة أخذت الطلقة بدلًا من خطيبها
وأضاف النجار "ملحوظة يا جماعة سارة أخدت الطلقة مكان خطبها وفي الاخير سبها في عز تعبها دي كانت قصه ساره محمد.. اما اللي الناس ما تعرفوش ان خطيب ساره تخلى عنها في عز ما هي كانت عايزه في الظروف اللي هي فيها دلوقتي هي دلوقتي النفسيه عندها صفر% يا ريت يا جماعه وكل اللي موجودين في الجروب واصحابكم يا ريت ندعي لها وندعمها كلنا اعتبروها اختكم ويا ريت ندعمها كلنا ونبقى واقفين جنبها يا ريت تدعوا لها جميعًا"
وقال سامر المصري عن البلوجر سارة: "دي بلوجر علي الإنستا اسمها سارة محمد وقبل ماتكون بلوجر فهي إنسانة عادية حبت شخص ووثقت فيه ووقفت قدام أهلها كلهم واتخطبتله عشان بتحبه، طلعو عليها بلطجيه هي وخطيبها وهي عشان تفادي خطيبها راحت اخدت طلقة خرطوش في عينها ومبقتش تشوف والدكاترة قالولهم العين الشمال خلاص فقدتها يا حبيبتي واليمين في ايد ربنا لسه هيحاولوا الدكاترة فيها بالإضافة انها فقدت حاسة الشم وفوق كل التعب الجسدي والنفسي والذهني ده اتخذلت من اكتر حد كانت واثقة أنه هيقف جنبها في اسوأ لحظات حياتها ودلوقتي مش جنبها ولا بيسئل عليها من بعد الحادثة اللي كانت معاه في نفس الحادثة، فادته وخسرت اعز ما عندها نظرها عن كسرة نفسها طول الحلقة وهي بتقول انا فعلا زي ما اهلي قالولي طلعت ارجل منه لو كان مكاني مكنتش سببته ولا اتخليت عنه ولما قالوله هتكتب كتابك علي سارا عشان تقف جمبها وتكملوا بعض قالهم هفكر.. الحب مبيدومش لو هتاخدها عشان بتحبها بس سيبها والجمال مبيدومش لو هتختارها عشان جمالها ولما يحصلها حاجة تمشي متدخلش حياتها احسن فضلا دعواتكم الكتير في الايام المباركة دي سارة ربنا يشفيكي ويعافيكي يا سارة يارب #للضحيه_حدود"
البلوجر سارة عرفت ما سيحدث لها
وعبر أحمد ناجي عن حزنه فقال: "ساره محمد البلوجر كانت عارفه اللي هيحصلها"
أما رنا داوود فعبرت عن حزنها على ما تعانيه البلوجر سارة فقالت: "سارة محمد بين يوم وليلة فقدت عينها خارجة بعينها وبتضحك ومزاجها حلو رجعة بيتها فقت عينها وبتعيط ربنا بيبدل الأحوال في ثانية واحدة نحاول ديما واحنا بنسمع قصة وجعت قلبنا نتعلم منها #ساره_محمد"
وعلق محمد صلاح على حكاية البلوجر سارة فقال: "موضوع خطيب #ساره_محمد واللي عمله واستغني عنها ده شئ صعب بصراحه اللي بيحب حد صعب يستغني وبيستحمل ويساعد كفاية يكون الشخص اللي بحبه يبقي معايا حتي لو اخسر اي انا اتوقع ان كل الكلام اللي بيتقال كذب وخطيبها صعب يستغني وده لو حصل يبقي هو مكنش بيحبها من البداية الف سلامه عليها"
وردت سلمى ناصر قائلة: "فقد بصر #البلوجر المصرية #سارة_محمد البلوجر كانت في نزهة مع خطيبها في سيارته بمدينة #الإسكندرية قطع عليهم الطريق أشخاص أطلقوا عليها رصاصات خرطوش اسعفت سارة للمستشفى فتعرضت للعمى وتشويه الوجه ألقي القبض على الجناة خطيب سارة تخلى عنها بعد الحادث"
وعبرت فرح آدم عن حزنها على حالة البلوجر سارة محمد فقالت: "اصابة البلوجر سارة محمد وخطيبها بسبب سطو مسلح علي الصحراوى "سارة محمد محمود "بلوجر شهيرة عبر برنامج انستجرام تعيش بمحافظة الإسكندرية وتهتم بمجال الأزياء والموضة ومستحضرات التجميل ويتابعها 107 ألف متابع عبر موقع انستجرام اصيبت البلوجو سارة بفقدان البصر وبعض اصابات في المخ في حادث إطلاق نار من قِبل بلطجية اثناء عودتها الي المنزل يوم الخميس الماضي برفقة خطيبها.
وتابعت صديقة البلوجر سارة الحكاية فقالت: "تعرضت سارة وخطيبها الي اطلاق نار بطريقة مروعة علي الطريق الصحراوي من قِبل مجهولين بهدف سرقة السيارة وتم نقل المصابين الي المستشفى الميري بالإسكندرية وأضاف الأطباء المتبنين حالة سارة ان الاصابات بالغه وأدت الي تجمع دموي ونزيف بالمخ وفقدان البصر نتيجة تدمر انسجة العين وكل هذه الإصابات بسبب دخول زجاج السيارة وشظايا اطلاق النار في عينيها وخضعت سارة لعدة عمليات جراحية في المخ والعين وسوف تستكمل عمليات اخري في وقت قريبا وتعرض خطيب البلوجر "ساره محمد" لبعض الجروح السطحية".
البلوجر سارة تتعرض لأزمة نفسية
وتابعت صديقة البلوجر سارة قائلة: "تعرضت البلوجر سارة لأزمة نفسية شديدة وتم عرضها علي دكتور مخ واعصاب. ونُشر من قِبل كُل مُحبي البلوجر سارة محمد دعاء لها بالشفاء العاجل علي مواقع التواصل الاجتماعي وأن يعود حقها والقبض علي المجرمين."
وقال البلوجر عمرو سنايبر " أنا حزين اوي ياريت ندعي للبلوجر سارة محمد، كانت خارجه مع خطيبها يقعدو في مكان وهما راجعين في الطريق طلع عليهم ناس مسلحين في لحظه ساره بتقول لخطيبها خد بالك فدته واستلمت هي ضرب النار كله لوحدها ودخلت في غيبوبه وكانت بين الحياه والموت وفقدت عينها ومامتها بتقول ان نص دماغها من قدام بايظ ومفيش اي امل انها تخف اللي يوجع كمان الخذلان من أقرب الناس"
وقال سنايبر إن المحزن وهي تحكي عن خطيبها وتقول "هو محصلوش حاجة بس من وقت الحادثة معرفش عنه حاجة غير انه تاني يوم جالي المستشفى قالي متخفيش انا جنبك واختفي ومسألش عليا بعدها مع أنه جاري يعني البيت في وش البيت وبيشوفوه في الشارع بيضحك ولا فارق معاه... وهي في المستشفى وسايحة في دمها قالتلهم انا فديت خطيبي المهم انه كويس محدش يجي جنبه ولا يضايقه بكلمة.. حقيقي قصة صعبه جدا جدا لازم ندعي ربنا كل يوم يحفظنا من شر الغفلة ربنا يشفيكي ويقويكي".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
