معالج الكركمين يثير غضب الأطباء: كاد يقتل المرضى وروشتة له بـ 10 آلاف جنيه
علاج الكركمين، أثار طبيب يقوم بعلاج مرضاه بالكركمين جدلًا واسعًا بين نشطاء مواقع التواصل الاجتماعي وغضب شديد بين الأطباء، حيث عرضت وصفاته الدوائية لإصابة المرضى بأعراض حادة، كادت تتسبب في وفاتهم، بعد أن تضاعفت المرض لديهم.
معالج بالكركمين يثير غضب الأطباء
أثار علاج الكركمين، والذي يتخده طبيب يدعى جودة محمد عواد، طريقة لعلاج مرضاه، غضب الأطباء، وخاصة بعد الكشف تفاقم حالات المرضى الذين يتم علاجهم بواسطة العلاجات الخاطئة لهذا الطبيب.
تفاقم الحالة المرضية التي يعاني منها بعد المرضى، الذين يتم استخدام علاج الكركمين معهم، دفعت بعض الأطباء لطلب التواصل مع نقابة الأطباء للتحقيق مع الطبيب جودة عواد، لنشره معلومات غير علمية وتخالف المستقر عليه في المراجع العلمية، حسبما أكد الأطباء.
روشتة بـ 10 آلاف جنيه وكاد علاجه يقتل المرضى
بداية المشكلة جاءت عندما قام الدكتور محمود بن عدلي، أخصائي الباطنة والكلي بالحسين الجامعي بالكشف عن حالة مرضية تسبب فيها علاج الكركمين فقال: "جالي مريضة كلى النهاردة بحموضة شديدة في الدم والكرياتينين بتاعها ٩ وضغطها عالي ومحتاجة حجز في الرعاية وغسيل طارئ كانت متابعة قبل كدا مع دكتور كلى لحد ما راحت لـ جودة عواد بتاع الكركمين".
وقال د. محمود بن عدلي "طبعا وقف أدوية الكلي وأدوية الضغط واستبدلهم بالكركمين وبعض الأعشاب التانية ولما الحالة تدهورت منه رجع تاني كتب لها مضادات حيوية وكورتيزون وكتب لها روشتة متقلش عن ١٠٠٠٠ جنيه وحقيقي انا معرفش ده ليه لحد دلوقتي لسه سايبينه فاتح عيادة وليه الناس لسه بتروحله".
ورد عليه الطبيب عمرو عادل بـ مستشفى الحسين الجامعي فقال: "جالي عيانة كان معاها chronic constipation عملت منظار طلع فيها cancer colon راحت معهد الأورام قالولها هتستأصلي القولون راحتله خبطها نفس الروشتة اللي فيها التروكسين دي وجاتلنا بعدها advanced".
يعالج الفشل الكلوي بالكرفس والصمغ العربي
وعلق الطبيب عبد الرحمن بن رجب، طبيب بالقصر العيني، فقال: "الدكتور جودة عواد خريج علوم وبيقولوا درس طب بعدها، بيعالج كل الأمراض وأما الفشل الكلوي اللي العالم كله فشل في علاجه، هو بيعالجه نهائيا بالكرفس والصمغ العربي، وأي حد عنده ضغط وسكر يديله أعشاب وبتحصل منه كوارث والله ويلغي علاجه".
وتابع الدكتور عبد الرحمن بن رجب قائلًا: "إني كنت شاهد على كارثة منه حد عنده ورم حميد في القولون والمفروض كان هايعمل عملية على مرحلتين، عمل المرحلة الأولى وبعدين راح للدكتور ده قاله ما تعملش عمليات واداله شوية أعشاب وبتاع وقاله انت كده هتبقى زي الفل، رغم إن جزء من قولون الراجل أصلا مفتوح لبرة على الجلد، والحمد لله لولا إننا عرفنا وحذرناه كان زمان الراجل من عداد الأموات، سعر كشفه بشيء وشويات".
وحذر د. عبد الرحمن قائلًا: "ياريت نخلي بالنا بالله وكفاية لحد كده علشان احنا بنشوف مصايب ما يعلم بيها إلا ربنا، فأرجوكم ماحدش يمشي وراء هؤلاء، العالم كله بيصرف مليارات أبحاث علمية وتجارب علشان يوصل لعلاج وحل للأمراض، فالدنيا كلها عجزت، والأستاذ المحنك اللي ما هو اللي هايحلها بشوية ورق وأعشاب".
جريمة مستمرة لا تتوقف
وقال محمد ممدوح عبد الباري "هو الحمد لله على كل حال.. لكن ليه شكر الله على الضغط المرتفع وبعدين تديها ايبلات تحت اللسان! ده غير الديكسا وبودرة السيفوتاكس والأولفين عشان لو لسه فيه حتة شغالة في الكلى ندمرها.. لكن طالما مفيش سهر وبنشرب عشر معالق شعير وبناخد الثيروكسين بتاع النشاط والسيلمارين بتاع الخلايا واليوروفين بتاع الأملاح".
وعلق الطبيب أحمد فودة، كلية طب المنصورة، فقال: "كارثة بكل المقاييس وجريمة مستمرة لا تتوقف.. وقد وصلني من آثاره مصيبة لمريض غير مصري في أحد الدول العربية عام ٢٠١٥ وبالكاد لحقنا المريض بفضل الله بعد ما غسل ووقف الخزعبلات المكتوبة...شيء فضيحة بكل المقاييس فعلا...".
ورد محمود العشري قائلًا: " بصراحة أقبح من رأت عيني يمارس الطب (لأن جمع بين الجهل واستغلال التدين) حالتان فشل كلوي على زئبة حمراء وتكيسات كلوية دخلهم بإيده غسيل بعد ما كتبلهم هذه الروشتة الحمقاء".
وقال عبد الرحمن منسي "معاه دبلومة باطنة 2020 فقط ومتحول للتحقيق في النقابة وهو ولا هنا عنده اصرار رهيب على قتل الناس".
وعلق أحمد زين محمود فقال: "درس طب اصلا ثانيا المعلومات المغلوطة مفيش دكتور رشيد يطلع يفندها المشكلة ان البسطاء بيمشوا ورا كلامه للاسف بسبب ارتفاع أسعار الدواء والفتي االلي بيقوله وبتحصل كوارث اللهم عافنا".
عصبي ويقدم علاجات خاطئة
وقال ابن المستشار: "انا كنت فاكر جوده من كتر عصبيته في الكلام ونرفزته على المرضى والدكاترة اللي بيعالجه غلط أنه كدا هوا الصح طلع علوم، انا اللي كنت فاكر من كلامه أنه الطب طلع سهل اهو اومال فين المشكلة"
ورد مصطفى محمود البربري قائلًا: "مكتوب إنه حاصل على بكالوريوس الطب والجراحة جامعة القاهرة؟ وتقريبا زمان فعلا كان ممكن طلبة علوم يكملوا طب ويتخرجوا منه بس مش عارف دا كان لحد ٢٠٠١ زي ما هو واخد بكالوريوس الطب فعلا ولا لأ يبقى كده احنا لسه لم نثبت إنه مش طبيب بشري؟"
وقال محمد عادل السيد: "المفروض أن هؤلاء يكونوا تحت عين الدولة والنقابات المسئولة ولا يعتمد أي علاج بديل إلا بعد تمحيصه وتسجيله وبإشراف الأطباء... فهؤلاء ليسوا إلا أمثلة على نصابين منتشرين في أرجاء البلاد ويكتشفوا بالصدفة أو بالتفتيش من قبل وزارة الصحة ومراقبة العلاج الخاص الذي نود أن يزيد نشاطه...".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوداث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
