عزة بهاء تكشف موقفا طريفا مع عادل إمام في مسرحية "الواد سيد الشغال" (فيديو)
كشفت الفنانة عزة بهاء، خلال تصريحات تليفزيونية، كواليس العمل مع الفنان عادل إمام خلال مسرحية "الواد سيد الشغال".
كواليس مسرحية الواد سيد الشغال
وقال عزة بهاء خلال لقائها ببرنامج "الستات" الذي تقدمه الإعلامية سهيرة جودة بقناة "النهار":"كنت أول مرة أشوف كم الجمهور الكبير اللى حضر المسرحية، وفاكرة لما عادل إمام قبل دخلته يعدي من برة وخياله يبان في الباب نسمع صوت ضحكات كبير في الصالة وكإنها موجات ضحك من الجمهور".
موقف طريف مع عادل امام
ولفتت: "اشتركت في مسرحية الواد سيد الشغال، وأنا لسه في أولى معهد فنون مسرحية، والزعيم عادل إمام ساعدني وكان دايمًا يقول لي ما تخافيش وقولي واتكلمي ومرة نسيت كل الكلام على المسرح وهو كان بيقول لي كلام علشان يفكرني لحد لما افتكرت".
ترشيح عزة بهاء لمسرحية الواد سيد الشغال
وأشارت: "من حظي إن المسرحية اتصورت وأنا كنت فيها، ووالدتي الفنانة رجاء سراج، هي اللي رشحتني للعمل وأستاذي في المعهد".
وكشفت الفنانة عزة بهاء، في هذا اللقاء، كواليس زيجاتها الثلاثة وأسرار الانفصال وتجربتها في الحب بالعقل والقلب، وذلك خلال لقائها ببرنامج "الستات" الذي تقدمه الإعلامية سهيرة جودة بقناة "النهار".
زيجات عزة بهاء
وقالت عزة بهاء: "اتجوزت 3 مرات بدون استمرار والتوفيق ما كانش حليفي خلال كل التجارب، وممكن يكون طبعي متعب، ودايمًا أعطي كتير وفجأة ما بلاقيش النتيجة اللي أنا عايزاها، أي عطاء مفرط بدون أي مقابل لذلك كنت أحسم موقفي بالطلاق".
قصص الحب وفشل الزيجات
وأضافت: "المشكلة مش في الشخص ولكن الاختيار بتاعي في الـ 3 زيجات كان خاطئ، وأول زيجة كان القلب هو المتحكم واتجوزت خالد بركات عن حب وأنا صغيرة وبعد كدا كان ليَّ تجربة إلى حد ما كان فيها قلب وعقل ولكن ما وفقتش".
أطول زيجة لعزة بهاء
وتابعت: "ما كانش عندي مقياس معين في زيجاتي، والزيجة الثانية قعدت 9 سنين لأنها كانت قائمة على الحب والعقل، ولو كان فيه أولاد ممكن كنت كملت".
تجربة قاسية لعزة بهاء في الزيجة الثالثة
ولفتت: "تجربة الزواج الثالثة انتهت بوفاته بعد سنتين، واكتشفت خيانته ليَّ بعد وفاته واتجوز عليَّ من غير ما أعرف وما لحقش يبرر ليَّ اللي عمله وعرفت القصة يوم دفنته وكان متجوزها بعدي، والقصة دي وجعتني وما بقتش عارفة أحزن عليه ولا أحزن على نفسي، ودي أقوى صدمة اتعرضت لها".
وفي نفس اللقاء، قالت الفنانة عزة بهاء: "رفعت قضية على المخرج الراحل عادل صادق علشان هو قال إنه اتجوزني عرفي وكسبت القضية".
سر رفض الزواج من عادل صادق
وأضافت: "عادل صادق كان بيحبني وعرض عليَّ الزواج ولكن أهلي رفضوا لفارق السن الكبير وأمور أخرى، ولكنه افتكر يورطني بنشر الشائعة".
مشكلة عزة بهاء الفنية
ولفتت عزة بهاء: "العلاقات العامة الضعيفة ظلمتني وأنا شايفة إني ما عنديش ذكاء فني، وعلشان كدا ما لقتش نفسي بقوة في الوسط، ولحد وقت قريب كنت بتكسف ولما كنت أدخل الإستوديو ما كنتش بكلم حد وأروح أوضتي على طول والناس كانت مفكراه تكبر ولكن ده كان خجل".
وفي وقت سابق، كشفت الفنانة عزة بهاء، عدد زيجاتها، مؤكدة أنها تزوجت 3 مرات، متابعة: "اتجوزت مرة وتانية اتوفى وفي المرة التالتة اتطلقت".
عطاء الحب لدى عزة بهاء
وأضافت خلال لقائها ببرنامج "كلام الناس" المذاع على قناة "إم بي سي مصر": "الحب مش صح مع كل الناس، فيه ناس ممكن تقدر كمية العطاء وفيه ناس مبتقدرش وبتعتبره حق مكتسب وبيستقبل الحب من الست وكإنه أمر عادي".
وتابعت: "الحب مع البني آدم اللى يستحق يؤتى ثماره ولكن فيه ناس كتير ما تستحقش، وبوقف عطائي مع الشخص اللي ما بيقدرش بس في نهاية صبري".
وأكدت: "ما بسامحش الرجل في الكدب والخيانة، وفيه كدب صعب الواحد يسامح فيه لما الشخص يكون متعمد يخبي أو يقول تفاصيل مزيفة".
وكشفت الفنانة عزة بهاء، تفاصيل أزمة الملابس الخليعة في فيلمها "انتقام امرأة" مع بطل كمال الأجسام الشحات مبروك.
مفاجأة قميص النوم
وقالت:"وقت مشاركتي مع الشحات مبروك كانت أفلام المقاولات هي المسيطرة على السينما في تلك الفترة، وقتها لقيت الريجسير بيكلمني في التليفون وقال لي بيبلغوكِ اللبس قميص نوم كت، وقتها أخدت قميص نوم بكم وده اللي كان متوفر عندي ورُحت التصوير، وكانت مشكلة يومها وعملت المشهد".
مشكلة عزة بهاء
ولفتت:"تم إجباري على لبس قميص النوم خلال فيلمي مع الشحات مبروك، والفكرة إني مش برفض لبس قميص النوم ولكن إني أتفاجئ بلبسه وهو مش موجود في العمل ده اللي حاجة صعبة وبرفضه".
ونقدم لكم من خلال موقع (فيتو) ، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
