تطورات الحالة الصحية لعلا غانم

علا غانم، كشفت ابنة علا غانم عن تفاصيل جديدة بشأن الحالة الصحية لوالدتها وذلك بعد نقلها إلى المستشفي بعد إصابتها بنزيف في المخ ونزيف داخلي وكسور في العظام.

وقالت “كامليا”  ابنة علا غانم في تصريح خاص لفيتو ؛" أن والدتها الفنانة علا غانم خضعت لعملية تركيب شريحة في إصبع بيدها اليسرى.

وكشفت ابنة علا غانم تفاصيل جديدة بشأن دخول والدتها إلى المستشفى قائلة، "أمي كانت مرتبكة خلال الأيام القليلة وأعراض التعب بدأت تظهر عليها منذ يومين، وأصيبت بارتجاج في المخ ونزيف داخلي وكسر بالعظام، كانت فاكرة إن اللي حصلها دا من الزعل".

أزمة علا غانم وزوجها

وكانت الفنانة علا غانم كشفت في وقت سابق كواليس أزمتها مع زوجها التي تصدرت السوشيال ميديا خلال الأيام القليلة الماضية.

وقالت الفنانة علا غانم في  تصريح  خاص لـ فيتو: "هو بيقول إنى اعتديت عليه الإدعاء دا غير صحيح أولًا عشان أنا معايا في البيت اتنين عمال فقط  وأمي اللي فوق الـ ٧٠ سنة بس، إزاي هنعتدي عليه وعلى الناس اللي معاه اللي اقتحموا البيت".

تفاصيل أزمة علا غانم 

 وأضافت: "وهو  لو كان بيته زي ما بيقول ليه يجيب كل الناس دي ويجي يقتحمه وليه يشيل تسجيل الكاميرات اللي هو دليل براءتي الوحيد،  إزاي بيته لا ده بيتي أنا ملكي أنا، مش بيته وهو لما بيقول إني حدفته بإزازة دا اتهام ليَّ ودا ما حصلش دول الناس اللي معاه كانوا بينطوا من شباك العمال وأنا والاتنين اللي معايا العمال كنا بنحاول نحمي البوابة وأول ما نزلت لاقيت دم على وشه أصلًا يبقي إزاي اعتديت عليه".

وتابعت: "أنا بقالي 3 أيام  في الشارع وهو قاعد هناك في البيت اللي بيدعي إنه بيته وهو بيتي أنا، لو كان بيته كان هيجيب كل الناس دي معاه ليه ويجيب المحامي بتاعه في البيت ليه".

ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.