متصلة لـ ياسمين عز: طليقي بيخوني وخطف عيالي وعايزاني أمدح فيه؟ والمذيعة ترد (فيديو)
وجهت متصلة تدعى "زينب" من محافظة الجيزة، رسالة قوية للإعلامية ياسمين عز التي تشتهر بدفاعها المستميت عن الرجال.
قصة قاسية لـ منفصلة عن زوجها
وقالت المتصلة خلال مداخلة هاتفية ببرنامج "كلام الناس" المذاع علي قناة "ام بي سي مصر":"انفصلت عن زوجي بسبب الضرب والإهانة والخيانة، كان بيخوني قدام عيني، وبعد لما اتطلقنا بيشتمني ومبيدنيش حقوقي وكل ده اديته ولاده يشوفهم ويقعدوا معاه يوم مع زوجته الجديدة ومسكني شتمني وخطف عيالي غصب عني ورجعتهم بأمين شرطة وقف معايا".
متصلة تحرج ياسمين عز علي الهواء
وتابعت:"انتوا بتتكلموا إننا نحترم الراجل ونبوس رجله وايده، اوكي أنا كنت ببوس ايده ورجله وكنت بتضرب واتهان، هو ده يا ياسمين عز اللى عايزاني أمدح فيه؟"، لتعقب ياسمين عز:"لأ مش دي النوعية اللى بتكلم عنها من الرجالة".
زوجة تكشف قصتها مع الضرب والإهانة والخيانة
وأضافت:"أنا اتضربت واتهانت وكنت بشوفه وهو بيخوني علي سريري في اوضة نومي ويقولي انتي ست مش مكفياني وتخينة واكبر مني، ورغم كل الإهانات دي كنت بوريله اولاده بعد الطلاق وهو لحد دلوقتي بيشتمني ويهينني ومش بيديني حقوقي هما 500 جنيه اللي باخدهم منه وهو بيقبض 7000 جنيه وشغال شيف كريب".
واكملت:"انا اتمرمطت وخلى مراته شتمتني، ومش عارف اخد حقي، ومعايا صور بخياناته، انا بحترم محكمة الأسرة والقانون بش مش عارفه اخد حقوقي".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوداث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا، دوري أبطال أفريقيا، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية.
