سيناريوهات قضية منة شلبي بعد الحكم عليها سنة مع إيقاف التنفيذ.. يحق للفنانة الطعن.. وقانوني: المحكمة استعملت الرأفة وقرارها بمثابة براءة

الفنانة منة شلبي، قضت محكمة جنايات شمال القاهرة، بحبس الفنانة منة شلبي سنة مع الإيقاف وغرامة ١٠ آلاف جنيه على خلفية ما أسند إليها من تهم أبرزها إحراز مخدر الحشيش بقصد التعاطي في غير الأحوال المصرَّح بها قانونًا.

وعن سيناريوهات القضية المقبلة قال المحامي أشرف إن الحكم بمثابة براءه في القانون.

وأضاف المحامي أشرف ناجي أن المحكمة استعملت الرأفة مع المتهمة وطبقت نص المادة 17 من قانون العقوبات، وهو نص قانوني قد يلجأ إليه بعض القضاة واستعمال الرأفة مع بعض المتهمين للحفاظ عل مستقبلهم  وأن المحكمة ترى أنه لن يعود لمثل هذا الفعل ثانية وذلك طبقا لنص المادة 17 من قانون العقوبات والتى تنص على: "أنه يجوز فى مواد الجنايات إذا اقتضت أحوال الجريمة المقامة من أجلها الدعوى العمومية رأفة القضاة بتبديل العقوبة".

وأشار المحامي أنه يحق للمتهمة أن تطعن بالنقض على الحكم إذا كانت هناك أسباب قانونية في الحكم الصادر ضدها حيث يعتبر حكم الحبس مع إيقاف التنفيذ هو حكم إدانة براءة في ظاهرة لكنها ادانة في حقيقته والمحكمة استعملت الرأفه لظروف حال المتهمة وظروف القضية ولذلك يحق للمتهمة الطعن بالنقض، كما يحق للنيابة ويحق للنائب العام الطعن بالنقض على الحكم لصالح العدالة ايضا وإن كان الطعن من المتهمة فقط فلا يضار الطاعن بطعنه إما إذا كان الطعن بالنقض على هذا الحكم من النيابة فيجوز للمحكمة نقض الحكم والقضاء مجددا بالإدانة او تأييد الحكم او حتي اعطاء براءه ولا يطبق قاعدة لا يضار الطاعن بطعنه إذا كان الطعن بالنقض من النيابة العامة

وقالت منة خلال تحقيقات النيابة العامة

س: اسمك ومهنتك؟

ج: منة الله محمد هشام الدين شلبي ممثلة

س: ما قولك فيما هو منسوب إليك من أنك متهمة بحيازة جواهر مخدرة بقصد التعاطي في غير الأحوال المصرح بها قانونًا؟

ج: محصلش

س: ما الذي حدث إذن وما هي ظروف ضبطك وإحضارك؟

ج: اللي حصل إني كنت في نيويورك علشان أحضر مهرجان انتر ناشونا لامي وجيت النهارده الصبح ووصلت مطار القاهرة وعديت على الجمارك، وأنا خارجة وكان معايا تلات شنط والدنيا كانت زحمة وأنا حطيت الشنط اللي معايا على السير علشان يتشاف فيها إيه ولقيت واحد من اللي واقفين في الجمرك بيقولي معاكي فيب سجارة إلكترونية، فأنا قولتله إني بدخن فيب وكنت بفتح الشنطة علشان أوريله الفيب، فلقيت واحد تاني جه وقالي إحنا هنفتح بقية الشنط نشوفها وأنا وافقت وقولتله اتفضل، وقعد يقلب في الشنط وبعدين جه واحد تالت كان بيفتش معاهم وأنا طلعت الفيب السجاير الإلكترونية وواحد منهم قالي ممكن تقعدي شوية ووداني أوضة في الجمارك قعدت فيها شوية والشنط كانت معاهم في الوقت ده، وبعد شوية لقيت ناس كتير وظباط مطلعين علبة ميكب لونها أخضر بيقولولي إن دي فيها ماريجونا فقولتله مفيش الكلام ده مش صح وده ميكب عادي بعدين لقيته بيقولي معاكي كوكايين، قولتله أنا مش بشرب الحاجات دي أصلا وبعدين قالولي طيب استني شوية، وبقيت سامعة کلام کتیر بره، وبعد ساعتين تلاتة لقيتهم بيقولوا لي اطلبي المحامي بتاعك فبقولهم إيه اللي حصل، قالولي إنتي معاكي ماريجوانا، وبعدين قالي إنتي هتتعرضي على النيابة، في الوقت ده أنا كنت قاعدة فلقيت أخبار نازلة إني مقبوض عليا ومعايا مخدرات وفضلت هناك لحد اما جيت هنا واتعرضت على النيابة.

س: متى وأين حدث ذلك؟

ج: الكلام ده حصل النهارده الصبح 20-11-2022 حوالي الساعة 10:30 صباحا بمطار القاهرة الدولي.

س: ما سبب ومناسبة تواجدك بالمكان في هذا الزمان؟

ج: أنا كنت راجعة من رحلة سفر من نيويورك من مهرجان إنتر ناشونا لامي أورد، ووصلت مطار القاهرة وعديت على الجمارك وأنا خارجة وكان معايا 3  شنط والدنيا كانت زحمة وأنا حطيت الشنط اللي معايا على السير علشان يتشاف فيها إيه ولاقيت واحد من اللي واقفين في الجمرك بيقولي معاكي سيجارة إلكترونية، فأنا قولتله أنا بدخن فيب وكنت بفتح الشنطة علشان أوريله الفيب فلاقيت واحد تاني جه وقالي إحنا هنفتح بقية الشنط نشوفها.

كانت النيابة العامة أمرت بإحالة المتهمة منة شلبي للمحاكمة الجنائية؛ لمعاقبتها على ما أسند إليها من إحرازها جوهر الحشيش المخدِّر بقصد التعاطي في غير الأحوال المصرَّح بها قانونًا.

تحريات الشرطة عن منة شلبي 

وقد أقامت النيابة العامة الدليل قبلها من شهادة خمسة شهود على الواقعة، وما توصلَّت إليه تحريات الشرطة، وما ثبت بتسجيلات آلات المراقبة بمحل ضبطها، فضلًا عمَّا أسفر عنه فحص المعمل الكيماوي للمضبوطات المعثور عليها بحوزتها.

تفاصيل قضية منة شلبي

وكانت النيابة العامة قد استكملت تحقيقاتها بعد ضبط المتهمة بالاستماع لشهادة خمسة من العاملين بمطار القاهرة الدوليّ، والتي كان حاصلها أن فحص حقائب المتهمة بجهاز الأشعة أثناء إنهائها الإجراءات الجمركية ظهر خلاله وجود كثافات عضوية بداخلها، فتم تفتيشها تفتيشًا دقيقًا أسفر عن العثور على مواد مخدِّرة بالحقائب.

نقدم لكم من خلال موقع (فيتو)، تغطية ورصد مستمر علي مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.