منة شلبي، نص مرافعة دفاع الفنانة أمام الجنايات (فيديو)

الفنانة منة شلبي، استمعت محكمة جنايات شمال القاهرة، الي مرافعة محمد بهاء ابو شقة دفاع الفنانة منة شلبي والتي تحاكم - مخلي سبيلها - على خلفية ما أسند إليها من تهم أبرزها إحراز مخدر الحشيش بقصد التعاطي في غير الأحوال المصرَّح بها قانونًا. 

مرافعة دفاع منة شلبي

ودفع المحامي بطلان التفتيش وما أسفر عنه من أدلة وما تلاه من إجراءات.

وأضاف المحامي في مرافعته أن أمن المطار قدم للنيابة تفتيش كاميرا واحدة فأرسلت النيابة كتابا آخر موالاة تنفيذ القرار بإرسال تفريغ كافة كاميرات المراقبة.

فرد المطار بأن الكاميرات لم تلتقط لها إلا مشهد في الكاميرا ١٤. 

وأضاف الدفاع أن رواية المتهمة منة شلبي في التحقيقات تمثلت في كلمتين قالت اني بعودتي من نيويورك وبمناسبة عبوري للدائرة الجمركية تم استيقافي واستفسر مني مأمور الجمرك عن علبة تجميل نسائية فسألني معاك كوكايين؟ فأخذوني إلى غرفة ثم اصطحبوني إلى النيابة.

وأشار دفاع الفنانة منة شلبي الى أن المقطع لم يلتقط منة إلا وهي تدخل الدائرة الجمركية وتضع حقائبها على السير. 

ودفع المحامي بإنعدام صلة المتهمة بالمضبوطات وأن ما جرى تحليله بمعرفة الطب الشرعي هو نفس ما تم ضبطه مع المتهمة.

كما ثبت المحامي أن عبثا نال من الحرز المرسل إلى المعمل الكيماوي.

وقالت منة خلال التحقيقات

س: اسمك ومهنتك؟

ج: منة الله محمد هشام الدين شلبي ممثلة

س: ما قولك فيما هو منسوب إليك من أنك متهمة بحيازة جواهر مخدرة بقصد التعاطي في غير الأحوال المصرح بها قانونًا؟

ج: محصلش

س: ما الذي حدث إذن وما هي ظروف ضبطك وإحضارك؟

ج: اللي حصل إني كنت في نيويورك علشان أحضر مهرجان إنتر ناشونا لامي وجيت النهارده الصبح ووصلت مطار القاهرة وعديت على الجمارك، وأنا خارجة وكان معايا تلات شنط والدنيا كانت زحمة وأنا حطيت الشنط اللي معايا على السير علشان يتشاف فيها إيه ولقيت واحد من اللي واقفين في الجمرك بيقولي معاكي فيب سيجارة إلكترونية، فأنا قولتله إني بدخن فيب وكنت بفتح الشنطة علشان أوريله الفيب، فلقيت واحد تاني جه وقالي إحنا هنفتح بقية الشنط نشوفها وأنا وافقت وقولتله اتفضل، وقعد يقلب في الشنط وبعدين جه واحد تالت كان بيفتش معاهم وأنا طلعت الفيب السجاير الإلكترونية وواحد منهم قالي ممكن تقعدي شوية ووداني أوضة في الجمارك قعدت فيها شوية والشنط كانت معاهم في الوقت ده، وبعد شوية لقيت ناس كتير وظباط مطلعين علبة ميكب لونها أخضر بيقولولي إن دي فيها ماريجوانا فقولتله مفيش الكلام ده مش صح وده ميكب عادي بعدين لقيته بيقولي معاكي كوكايين، قولتله أنا مش بشرب الحاجات دي أصلا وبعدين قالولي طيب استني شوية، وبقيت سامعة کلام کتیر بره، وبعد ساعتين تلاتة لقيتهم بيقولوا لي اطلبي المحامي بتاعك فبقولهم إيه اللي حصل، قالولي إنتي معاكي ماريجوانا، وبعدين قالي إنتي هتتعرضي على النيابة، في الوقت ده أنا كنت قاعدة فلقيت أخبار نازلة إني مقبوض عليا ومعايا مخدرات وفضلت هناك لحد اما جيت هنا واتعرضت على النيابة.

س: متى وأين حدث ذلك؟

ج: الكلام ده حصل النهارده الصبح 20-11-2022 حوالي الساعة 10:30 صباحا بمطار القاهرة الدولي.

س: ما سبب ومناسبة تواجدك بالمكان في هذا الزمان؟

ج: أنا كنت راجعة من رحلة سفر من نيويورك من مهرجان إنتر ناشونا لامي أورد، ووصلت مطار القاهرة وعديت على الجمارك وأنا خارجة وكان معايا 3  شنط والدنيا كانت زحمة وأنا حطيت الشنط اللي معايا على السير علشان يتشاف فيها إيه ولاقيت واحد من اللي واقفين في الجمرك بيقولي معاكي سيجارة إلكترونية، فأنا قولتله أنا بدخن فيب وكنت بفتح الشنطة علشان أوريله الفيب فلاقيت واحد تاني جه وقالي إحنا هنفتح بقية الشنط نشوفها.

وكانت النيابة العامة أمرت بإحالة المتهمة منة شلبي للمحاكمة الجنائية؛ لمعاقبتها على ما أسند إليها من إحرازها جوهر الحشيش المخدِّر بقصد التعاطي في غير الأحوال المصرَّح بها قانونًا.

تحريات الشرطة عن منة شلبي 

وأقامت النيابة العامة الدليل قبلها من شهادة خمسة شهود على الواقعة، وما توصلَّت إليه تحريات الشرطة، وما ثبت بتسجيلات آلات المراقبة بمحل ضبطها، فضلًا عمَّا أسفر عنه فحص المعمل الكيماوي للمضبوطات المعثور عليها بحوزتها.

تفاصيل قضية منة شلبي

وكانت النيابة العامة استكملت تحقيقاتها بعد ضبط المتهمة بالاستماع لشهادة خمسة من العاملين بمطار القاهرة الدوليّ، والتي كان حاصلها أن فحص حقائب المتهمة بجهاز الأشعة أثناء إنهائها الإجراءات الجمركية ظهر خلاله وجود كثافات عضوية بداخلها، فتم تفتيشها تفتيشًا دقيقًا أسفر عن العثور على مواد مخدِّرة بالحقائب.

نقدم لكم من خلال موقع (فيتو)، تغطية ورصد مستمر علي مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.