فيفي عبده توجه رسالة غريبة لرونالدو بعد رفضه الزواج من جورجينا (فيديو)

وجهت الفنانة والراقصة فيفي عبده، رسالة قوية للنجم البرتغالي كريستيانو رونالدو، بسبب رفضه الزواج من جورجينا.
 

رسالة قوية من فيفي عبده لرونالدو

وقالت فيفي عبده خلال لقائها ببرنامج "كلام الناس" الذي تقدمه ياسمين عز بقناة "ام بي سي مصر":"يا رونالدو جورجينا دي جيبالك 4 اطفال مش عايز تتجوزها ليه يا عم كريستيانو".

شخصية رونالدو

وتابعت:"ليه مش عايز تتجوز أم العيال؟ ايه الفكرة في كده يا رونالدو؟ انا بحبه جدا وزي القمر ومؤدب ولطيف ويخرب بيت جماله بس انت متضايقه منه انه مش عايز يتجوز جورجينا".
 

انفعال فيفي عبده علي رونالدو

وأكملت منفعلة:"مش عايز تتجوز جورجينا ام العيال ليه؟ هي أوبن بوفيه؟ جايب العيال دي كلها منها ليه لما انت مش عايز تتجوزها؟".
 

رضا أم رونالدو

ولفتت:"لو مش عايز تتجوز جورجينا علشان راض أمك ماشي وكويس بس لو بتحب جورجينا اتجوزها، بس عادي انك متتجوزهاش لو انت بكده راضي أمك".

العسيلي يحرج ياسمين عز: ليه عامله قلق جامد بين رونالدو وجورجينا؟ (فيديو)

ياسمين عز: جورجينا بتخنصر من وراء رونالدو وقرر يقللها المصروف (فيديو)

وقالت الإعلامية ياسمين عز:"مفيش نصيحة بقولها لعارضة الأزياء جورجينا ومبتعملش بيها وآخرها جابت هدية لكريستيانو رونالدو وجابتله عربية".
 

نصائح ياسمين عز لـ جورجينا

وتابعت خلال برنامج "كلام الناس" المذاع علي قناة "ام بي سي مصر":"أقول للمشككين عرفتوا إن كلامي بيوصل لجورجينا وبتعمل به، أظن ان الست بقالها أسبوعين مجرد ما اقولها الكلمتين من هنا تنفذهم علطول، وانا بحب الستات اللى بتسمع الكلام".

وأضافت:"احقاقا للحق جميل ان جورجينا تبدأ تهتم بالجامعة الأسرية وتلم العيال وأبوهم في البيت وتحتفل بيهم احتفال جميل ولكن ملهوش لازمة الشو لإن المثل بيقول داري على شمعتك تقيد ومش فاهمة ليه لحد دلوقتي جورجينا مش عايزة تتعلم من الست انتونيلا مرات ميسي اللى جابت لميسي هدية ولكن لا حد شافها ولا حد سمع الموضوع علشان هي ست فاهمة وعارفة ان العين فلقت الحجر ودبحت، وهي عايزة تداري علي جوزها، ومش عارفة ليه يا جورجينا الشو عايزة تحرجي رونالدو قدام الناس وانك جايبة عربية بالشئ الفلاني وهو برضو مش معبرك ومش عايز يتجوزك".

موقف رونالدو من جورجينا

وأكملت:"رونالدو مش سهل ودماغه توزن بلد، وجو الفيونكة الحمراء اللى عملته جورجينا علي العربية مش هياكل معاه لأنه عارفه ان ده كله من فلوسه، ومش بعيد تبدأ تجيبله حاجات تانية فهو يبدأ يقلل من مصروف البيت لأنه عرف انها بتخنصر من وراه، وغالبا رونالدو كان سايبلها فلوس كتير علشان تنزل تشتري لعيالها لبس العيد فهي استرخصت ونزلت جابت لهم اي لبس وده واضح في اللبس الى اتنشر وعملت لقطة العربية".

جورجينا تهدي سيارة رودريجيز لـ رونالدو

سيارة كريستيانو رونالدو، أهدت جورجينا رودريجيز، النجم البرتغالي كريستيانو رونالدو سيارة رولز رويس Boat Tail التي يصل  نحو سعرها 28 مليون دولار بمناسبة أعياد الميلاد.

وتعد رولز رويس من قوائم  أغلى السيارات في العالم  والسيارة هي واحدة من 3 نسخ فقط أبدعتها شركة رولز رويس في تلك الفئة، ما يوفّر خصوصية وتفرد لمالكها، استلهمتها من اليخوت الفاخرة.

سيارة كريستيانو رونالدو

والسيارة مصنوعة يدويًا من ألواح الألومنيوم، مكتملة بأسطح من خشب الجور ولمسات من الذهب الوردي ومنطقة نزهة مدمجة.

وتحتوي السيارة على 4 مقاعد، ويبلغ طولها 5.90 متر، مع جزء خلفي على شكل سطح يخت.

نقدم لكم من خلال موقع (فيتو)، تغطية ورصدا مستمرا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.