شيرين رضا: عندي ماض مع عمرو دياب، ودينا الشربيني صديقتي (فيديو)
قالت الفنانة شيرين رضا:"أنا بحب دينا الشربيني أوي وهي صاحبتي من زمان بس مبيبقاش عندنا وقت نشوف بعض، وأخيرا اتجمعنا من خلال مسلسل حدث بالفعل".
التعاون مع دينا الشربيني
وتابعت خلال تصريحات تليفزيونية بقناة "دبي":"دينا الشربيني هي اللى أيقونة مش أنا وسعيدة جدًا إني فيه مسلسل بيجمعنا".
العلاقة مع عمرو دياب
وعن علاقتها بالمطرب عمرو دياب، علقت:"انا مقدرش الغي الماضي بتاعي وكلنا عندنا ماضي ميزعلش، انا صاحبة عمرو وصاحبة دينا الشربيني ومعنديش مشكلة مع حد خالص".
وكشفت الفنانة شيرين رضا عن حقيقة إلغاء إقامة حفل زفاف لـ ابنتها نور عمرو دياب وذلك من خلال لقائها في برنامج “et بالعربي”.
وقالت شيرين رضا من خلال اللقاء: "هتتجوز أكيد وهي مخطوبة دلوقتي بس إحنا معندناش الأفراح وهي مش هتعمل فرح لأننا لا نؤمن بهذه الأشياء، وأنا عمري ما لبست فستان فرح لبست في التمثيل ولكن ملبستوش في الحقيقة، وطبعا كل واحد حر ويعمل اللي هو عايزه.
دينا الشربيني وشيرين رضا
وقالت شيرين رضا من خلال لقائها في برنامج “ET بالعربي”:" أنا ودينا صحاب من زمان واشتغلنا مع بعض قبل كده في فيلم كدبة كل يوم وأن إحنا جالنا فرصة نشتعل مع بعض تاني دي فرصة جرينا عليها بصراحة.
وأضافت “شيرين" قائلة: "أنا كان المفروض أصور الحلقة التانية من المسلسل لوحدي ولكن لما قالولي تعملي حلقة مع دينا الشربيني أحنا الأتنين قولنا طبعا عشان نقدر نقابل بعض لأن أحنا مكناش عندنا فرصة نقابل بعض في الحياة العادية لأن كل واحدة فينا مشغولة في مشاريعها.
و أكملت شيرين رضا حديثها قائلة:" إحنا فضلنا قعدين مع بعض 6 أو 7 أيام وهي كان عندها كرفان وأنا كمان بس أحنا كنا بنقعد في كرفان واحد.
نقدم لكم من خلال موقع (فيتو)، تغطية ورصدا مستمرا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
