الكلام على مين.. اعرفوه لو كنتم شاطرين
اسمه مالوش أى معنى
لا يوم سمعناه ولا بيسمعنا
لكن الشباب بيموتوا فيه
وبيرددو وراه الآهه والمغنى
معرفش إمتى بقى مشهور
ووراه ملايين من الجمهور
مع إنه بالنسبة للكثيرين
لسه برضو مطرب مغمور
الأكثر إستماعا فى العالم
وغنى بنهائى كأس العالم
مطرب الراب المصرى الشهير
اللى أبهر كل العالم
هو أشهر مغنى فى عصرى
بيسمعه كل الشباب المصرى
اتفاجئنا بيه فى المونديال
مطرب عالمى مش حصرى
بس احنا ملناش فى أغانيه
عواجيز بقا وصابنا التيه
بنسمع يادوب مطربى أجيالنا
ومهمومين بالزمن واللى فيه
