زيزي عادل: ستار أكاديمي ضد تقاليدنا ومفيش احترام ولو عاد بيا الزمن مش هاروحه (فيديو)

قالت الفنانة زيزي عادل:"اعتزال الغناء ليس له علاقة بزواجي من داعية إسلامي، ولم أتزوج حتي الاآن".
 

شائعة زواج زيزي عادل من داعية

وتابعت خلال لقائها ببرنامج "كلام الناس" المذاع علي قناة "ام بي سي مصر":"بشري خير شائعة إني اتجوزت من داعية".
 

رسالة الله لزيزي عادل

وأضافت:"اعتزالي الغناء جاي من عند ربنا، وملهوش علاقة بخطوبة أو زواج، وربنا قال لي كفاية لعب وهزار ودلع ونعمل للي جاي".
 

مشكلة برنامج ستار أكاديمي

وأكدت:"لو رجع بيا الزمن مكنتش هشارك في برنامج ستار أكاديمي، لإن فكرته ضد تقاليدنا وبدون أي احترام".
 

وأشارت:"تجربتي في ستار أكاديمي كانت بداية النجاح، ونزلت مصر مشهورة وكأني نجمة بتغني من 10 سنين ولقيت عروض من شركات كتير، بس هو برنامج ضد عاداتنا وتقاليدنا والحمامات وكل حتة كان فيها كاميرات ومفيش أي خصوصية ودي حاجة كانت بتضايقني".
 

زيزي عادل: اعتزلت الغناء علشان حرام والداعية مصطفى حسني دعمني في القرار (فيديو)

زيزي عادل تعتزل الغناء: عاوزة أموت وربنا راضي عني | فيديو

وقالت الفنانة زيزي عادل في نفس اللقاء: "لما كنت مطربة وقبل الاعتزال كان شغلي الشاغل اللايكات والفيديوهات والحفلات واللبس وهاعمل شعري إزاي واسم الأغاني واكتشفت حاجة مهمة إني مش هاخد معايا في لقاء ربنا حاجة من دول".
 

استعداد زيزي عادل للقاء الله
وتابعت: "لقيت إني مش هاخد معايا حاجة لما أقابل ربنا غير أعمالي، وبدأت أفكر إني مش مستعدة تماما أني أقابل ربنا باللايكات والحفلات والصور، فكنت عايزة بيني وبين نفسي إني أحس أني مستعدة للقاء الله خصوصا بعد موت ناس صغيرة على معرفة بيهم في فترة كورونا".
 

اقتراب الموت
وتابعت: "اكتشفت أن الموت ملهوش سن ومفيش حاجة اسمها بدري، وهذا كان سر خوفي واعتزالي الغناء لأني مكنتش مستعدة اقابل ربنا ".

هل الغناء حلال أم حرام؟
ولفتت:"علشان أغني لازم اعمل فيديو كليب واستعين بموديل يطلع معايا وهطلع وفيه قصة ولابسه لبس معينة وحاجة غلط بتحصل في النص، وعلشان أقول كلام اغنية فيه حب أو هجر أو عتاب فهذا به تحريك مشاعر للناس اللى بتسمعه، فهي الفكرة كلها حرام، وعلشان اطلع أغني على المسرح لازم البس فستان واتحرك مع الموسيقى وده حرام، وفيه حاجة كانت بتجنني في الحفلات موبايلات الناس اللى بتصور من زوايا معينة وبيجبني ويزووم من الحتة اللى هو عايزها وهو بيروح علشان يصور مش يحضر الحفلة، فكنت معرضة اتصور علي كل موبايلات الناس وأكون مباحة ومتاحة لكل الناس وده حرام، فلقيت اني مش حابة اكون متاحة لكل الناس، وطريقة لبسي بعد الاعتزال اتغيرت وبقيت محتشمة وينقصني بس الحجاب".

دور مصطفى حسني في اعتزال الغناء
وعن دور الداعية مصطفى حسني في اعتزالها، أوضحت زيزي عادل: "اخترته لدعمي في قرار اعتزال الغناء لإني بحب اسمعه وبتابع فيديوهاته من قبل الاعتزال، وبحب كلامه وهو بيتكلم عن التسامح وأمور إيجابية جدا، وبيقدر يوصلي المعلومة بطريقة حلوة وهو كلامه مريح".

نقدم لكم من خلال موقع (فيتو)، تغطية ورصد مستمر على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوداث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.