حنان شوقي: شوفت النبي "يقظة" في ليلة القدر
كشفت الفنانة حنان شوقي، السبب وراء اختفائها عن الساحة الفنية وعدم مشاركتها في أعمال تمثيلية الفترة الماضية.
سر ابتعاد حنان شوقي عن التمثيل
وقالت حنان شوقي خلال لقائها ببرنامج "كلام الناس" المذاع علي قناة "ام بي سي مصر": "انا دوست علي الدنيا وبما فيها واشتريت نفسي وقلبي وروحي، وذهبت لما خلقت علشانه".
رؤية حنان شوقي للنبي
وتابعت:"في لحظة من اللحظات لقيت نفسي غريبة في الدنيا وان روحي مش معايا، فقعدت ادعي ربنا كتير جدا واقوله يا رب لو غلطانة عرفني وارشدني للصح، وفي شهر رمضان وانا بختم القراَن وانا قاعدة علي السرير شوفت النبي صلى الله عليه وسلم في اليقظة مش المنام في ليلة القدر، وده غيرتني 360 درجة واتهديت زي العمارة اتهدت وتتبني زي ما ربنا عايز من كل شئ نفسيا وروحانيا واخلاقيا وكل حاجة".
وقالت الفنانة حنان شوقي في نفس اللقاء:"انا كتلة حب متحركة على الأرض، وحياتي كلها حب وقلبي لا ينبض إلا بالحب الحقيقي".
علاقات عاطفية في حياة حنان شوقي
وتابعت:"ناس كتير حبتني علشان غرض أو ينسبط يومين، وانا قلبي ربانيا بيحس باللي بيقولي بحبك كذبا أو صدقا".
رغبة حنان شوقي
ولفتت حنان شوقي:"انا عايزة اتحب الحب الحقيقى اللى بجد علشان لما أعجز وهو عجوز نفضل نحب بعض".
