بركات: لازم أتدخل وأتخانق في اتحاد الكرة لما الأهلي يتعرض للظلم (فيديو)
كشف الكابتن محمد بركات عضو مجلس إدارة اتحاد الكرة، حقيقة مشاجرته مع عدد من أعضاء الاتحاد بسبب رئيس لجنة الحكام السابق عصام عبد الفتاح.
حقيقة مشاجرة بركات بسبب عصام عبد الفتاح
وقال "بركات" خلال لقائه ببرنامج "حبر سري" الذي تقدمه الإعلامية أسما إبراهيم بقناة "القاهرة والناس":"لم تكن مشاجرة لكني اعترضت علي بقاء عصام عبد الفتاح رئيس للجنة الحكام بسبب تضرر النادي الأهلي بشكل كبير جراء الأخطاء التحكيمية الواضحة".
تضرر الأهلي من الأخطاء التحكيمية
وأضاف:"النادي الأهلي كان بيلعب علي بطولة الدوري الموسم اللى فات وحصلت بعض الاخطاء التحكيمية زي ماتش البنك الأهلي وإلغاء هدف للأهلي علشان الكرة الفاول كانت متحركة مش ثابتة مع إني دي مش شغلانة الفار، لإن الحكم سمح باستئناف اللعب، وبعد كده كان فيه ضربة جزاء للأهلي في مباراة المقاولون العرب.
وأردف:" النادي الأهلي جاء في فترة تضرر من التحكيم فاحنا لما شوفنا فيه ضرر وقلق من التحكيم، وقتها قلنا مفيش مشكلة أن يبقى فيه تغيير لعصام عبد الفتاح وجمال علام كان متمسك بعصام عبد الفتاح وحب انه يكمل للاَخر وبناءً علي كده حصل مشاكل للأهلي من التحكيم وأندية تانية وفي النهاية الموضوع خلص وعصام عبد الفتاح مشي وقدم استقالته".
تعرض الأهلي للظلم التحكيمي
وتابع:"قالوا إن محمد بركات وخالد الدرندلي عملوا خناقات علشان الأهلي اتظلم، ما هو الوضع الطبيعي لما الأهلي يتظلم لازم نتدخل وبصراحة الأهلي تضرر الموسم اللى فات ومن حقه يدور علي حقه كنادي كبير وجماهيره بالملايين ولازم إدارته تشتكي وتدور علي حقوق النادي لأنه بينافس على البطولة".
