بركات: أنا معجون بمية الأهلي وكنت أسعد واحد لما القيعي كلمني وقال لي محتاجينك
قال الكابتن محمد بركات عضو مجلس إدارة اتحاد الكرة:"ناس كتير في عائلتي زملكاوية لكن والدي كان أهلاوي".
عائلة محمد بركات الزمالكاوية
وأضاف خلال لقائه ببرنامج "حبر سري" الذي تقدمه الإعلامية أسما إبراهيم بقناة "القاهرة والناس":"ليا 8 أعمام، منهم واحد فقط أهلاوي بجانب والدي".
العم الأكبر لمحمد بركات
وتابع:"عمي الكبير الله يرحمه كان مرتبط بصداقات جوا نادي الزمالك ومع الكابتن حمادة إمام ويحيى إمام وكان بينهم معرفة شخصية، وكان بيتواجد داخل نادي الزمالك".
حقيقة انتماء محمد بركات للزمالك
وأوضح:"أنا مش زملكاوي ولا حاجة، أنا أهلاوي ومعجون بمية الأهلي، وكنت أسعد الناس أن الكابتن عدلي القيعي رفع سماعة التليفون عليا وقال لي احنا محتاجينك وكانت الظروف في النادي الأهلي صعبة ومبياخدوش دوري لمدة 4 سنين، وعملنا فرقة قوية وخدنا بيها كل حاجة والجمهور كان في ضهرنا، وسعيد جدا إني قعدت 10 سنين في الأهلي".
دعم جمهور النادي الأهلي لمحمد بركات
وتابع:"كنت راجع من قطر عامل موسم سيئ جدا وجمهور النادي الأهلي وقف جنبي ودعمني وكان بيغنيلي في المدرجات ومانويل جوزيه قال لي انا جايبك علشان انت احسن لاعب في مصر، واعتقد اني مخذلتش الناس انا والمجموعة اللى كنت معاها".
