أرملة عمار الشريعي: أعمال الموسيقار الراحل مازالت موجودة بعد وفاته بـ10 سنوات

قالت ميرفت القفاص، أرملة الموسيقار الراحل عمار الشريعي، إن  زوجها على الرغم من رحيله عن عالمنا منذ ما يقارب 10 سنوات، لكنه لا يزال موجودا بداخل أسرته الصغيرة، كما أن أعماله لا تزال موجودة ويسمعها الجميع، متابعة "عمار أعماله عايشة، ولسه بنتفرج على الدراما بتاعته من مسلسلات وأفلام وأغان".

أرملة عمار الشريعي 

أضافت القفاص، خلال مداخلة هاتفية لها ببرنامج "السفيرة عزيزة"، وتقدمه الإعلاميتان شيرين عفت ورضوى حسن، على قناة "dmc"، أن الراحل الكبير لا يزال له الكثير من المحبين والمعجبين والذين دائما ما يؤكدون أنه قد علمهم ورباهم ثقافيًا وموسيقيًا، متابعة "الحاجات دي بتفرحني، وبفرح لما بيكلموني في ذكراه".

استطردت: "أنا كنت مع بني آدم محترم بيقدر الست اللي معاه وبيته وبيحبني وابنه، والواحد لما بيسمع المشاكل الزوجية دلوقتي بيقول إزاي فيه رجاله كده، أنا كنت مع راجل محترم جدا ومحسسنيش أني مختلفة عنه، وربنا يرحمه كان زوج فرفوش مبيحبش النكد وطيب وراضي باللي ربنا قسمه ليه ومقدر النعمة اللي معاه".

أوضحت أن قصة حبهما بدأت في عام 1988، وتركها وتوفي في عام 2012 أي بعد قصة زواج استمرت لـ25 عاما، متابعة "بقالي 10 سنين عايشة علشان مراد وأحقق فيه اللي بباه كان عايزه".