الكلام على مين.. اعرفوه لو كنتم شاطرين
![حسن شاهين](images/no.jpg)
أجيبك يمين تجيبنى شمال
ما بلاش يا عمنا شغل العيال
دا ربنا كرمك بحجات كتير
وانت مصمم توصل للكمال
دا الكمال لله يا حزين
وكل يوم بتتغير الاحوال
عمال تمارس علينا العنتريه
ورايح تجيبلنا دكتوراه فخريه
ترمى الفلوس فى البيسين
وكل شويه مرفوعه عليك قضيه
انت عايز من الدنيا إيه
مع إن ربنا كرمك بالنجوميه
أظبط نفسك يا صاحبى
دى دماغك بقت مهلبيه
مصمم إنك نمبر ون
واللى يعارضك سئ الظن
يا إبنى الصدارة دى فن
مهياش بالكلام ولا بالزن
![](/Upload/libfiles/431/3/747.jpg)