الكلام على مين.. اعرفوه لو كنتم شاطرين
انت الأول بتصويت الجمهور
واللى بينكر فى داهية يغور
ملايين من كل العالم صوتتلك
لكن دايما فى الأمور أمور
نجوم العالم كمان بيحبوك
وفى ماتش بلجيكا حيوك
هازارد قال إنك الأفضل
جاب زملائه ومعاهم صوروك
كل ناجح له حاقدين
والناس فيهم شين وزين
ولو ملقوش فى الورد عيب
هيقولوله انت أحمر الخدين
الدنيا قدامك لسه براح
رونالدو ومسى زمانهم راح
انت يا فرعون زمانك جاى
واحنا نتمنى لك النجاح
بس احنا نفسنا فى هدية
نوصل للمونديال المرة الجاية
وعلشان انت اللى مشرفنا
بنتمنالك تاخد الكرة الذهبية
سلام مربع للعالمى مرتين
سلام لفخر العرب والمصريين
سلام ولك منى كلمتين
القلب يحبك وتعشقك العين
