اتسرقت 3 مرات..كريم عفيفي يكشف قصة غريبة عن سيارته القديمة | فيديو
كشف الفنان الشاب كريم عفيفي، عن قصة غريبة مع سيارته القديمة، لافتًا: "كنت جمعت 15 ألف جنيه وفتحت مشروع بلاي ستشين ولما فشل المشروع بعت كل الأجهزة وقررت اشتري بالفلوس عربية 128 ".
سرقة سيارة كريم عفيفي
وتابع خلال لقائه ببرنامج "سهرانين" الذي يقدمه الفنان أمير كرارة بقناة "أون إي": "كنت باركن العربية أول الشارع، وأول يوم نزلت اركب العربية أدور مابتدورش أفتح الكبوت ألاقي البطارية مش موجودة، البطارية اتسرقت".
قصة غريبة لكريم عفيفي
وأضاف: "تاني يوم أفتح الكبوت ألاقي البطارية التانية اللي اشترتها اتسرقت ومش موجودة، فبقيت أتذاكى بقى واحط البطارية جوة العربية نفسها واقفل عليها وأروح، ولكن تالت يوم روحت أركب العربية لقيت الحرامي فتح العربية وسرق البطارية والكاسيت والسماعات وما سابش حاجة".
بيع سيارة كريم عفيفي
وأكمل: "اشتريت بطارية جديدة وبقيت آخدها معايا البيت فملاقاش الحرامي حاجة يسرقها، واحتار يسرق إيه ونزلت في يوم لقيت العربية محطوطة على 4 حجرة وفاكك الجنوط كلها، ولحد النهاردة معرفتش مين الحرامي، وبعدين كنا بنعمل مسرح مصر وكنا قاعدين في أكتوبر فأخدتها فركب معايا واحد زميلي وقال لي إيه المزبلة دي وأخد الورق بتاع العربية ورماه وطار فالعربية لا بقى فيها ورق ولا كاسيت ولا بطارية وبيعتها بـ5 آلاف جنيه في الآخر".
