شيرين عبد الوهاب: أشكر أخويا أنه وداني المستشفى.. وهتنازل عن كل القضايا ضده | فيديو
قالت الفنانة شيرين عبد الوهاب: "أشكر شقيقي محمد السيد عبد الوهاب أنه عرفني بالمستشفى اللى اتعالجت فيه، والناس المحترمين دول اللي هما راعوني بأحسن حاجة في الدنيا وكانوا بيخافوا عليا وعلموني أنام وأصحى بدري ودلوقتي بصحى الساعة 9 الصبح".
حياة شيرين عبد الوهاب بعد المستشفى
وتابعت خلال مداخلة هاتفية ببرنامج "الحكاية" الذي يقدمه الإعلامي عمرو أديب بقناة "إم بي سي مصر": "حياتي منذ دخولي المستشفى بقت جميلة، وبقيت أفطر بدري وأقعد في الشمس، وأصبح على الناس اللي بتصحى بدري".
تنازل شيرين عن قضاياها ضد شقيقها
وأضافت: "سأتنازل عن حقي بأي قضايا قمت برفعها ضد أخويا لأني مقدرش أعمل كده لأني شيرين اللي قلبها متسامح وهيفضل متسامح، ومش هرضى إن أمى تنام على مخدتها وهي بتبكي علشان ابنها وبنتها في خلاف".
وأكدت الفنانة شيرين عبد الوهاب: "الخبر السعيد اللي هزفه للناس عندي هو إني تم بمشيئة رب العالمين عقد قراني على حسام حبيب".
عقد قران شيرين على حسام حبيب
وتابعت في نفس المداخلة: "عايزة أقول للناس ادعوا لي علشان أنا ما أقدرش أعيش من غير دعواتكم، عقدنا القران الساعة 9 بالليل امبارح بحضور أقرب المقربين ليَّ".
اعتذار شيرين لحسام حبيب
وأضافت: "أنا بعتذر لحسام عن الكلام اللي صدر مني في يوم من الأيام، وأنا النهارده عايزة أقفل صفحة حياتي مع الناس لأني كنت السبب في فتح الصفحة دي للناس وخليتهم انشغلوا بيَّ وسط مشاكلهم، أنا في عصمة راجل طيب جدًّا وحبيبي من البداية ولو قلت كلام ضايقه فدا شيطان بيحصل بين اي زوجين".
